قلوب مهاجره

ما بعد الوداع

السلام عليكم .... طبعا هذا بارت مصالحه لكل شخص انزعج من نهاية البارت السابق ...
🍀
🍀
🍀
🍀

رعد ...بقيت حاظن نور ...وحنان وبصدري صرخه لو أطلعها تهز الكون

حنان .... كومي حبيبتي نور ...تعالي غسلي وجهج وارتاحي ...وصدكي ربج يحلها

نور .... بقيت كاعده وعيوني على الباب وكلي أمل احمد يرجع يفتح الباب ...ويأخذني بس هذا الشئ مستحيل يصير ....لأن اني اعرف طباع احمد الي مستحيل يقبل بالخيانه والغدر ...واني خنته من ظميت عليه حقيقتي
كمت ..بس بالكوه أمشي ...وحال علي إلي نايم بالغرفه ..وميدري بالدنيا شصار بيها ...ميدري مرته وابنه راحوا قبل ما يعتبون بابا البيت..... كسر ظهري بعد أكثر...وعيون كيان الي واستني بدموعها بدون ما ينطق كلمه وحده وهو طالع من البيت مثل الواحد إلي مهزوم من العذاب .... مثل السجين الي شكت صدري
صعدت لغرفتي ...وذبيت نفسي على الفراش بس يا فراش .... احس نفسي نايمه على جمر ...
وقلبي مشتعل نار على أحمد أكثر من نور الدين
طلعت موبايلي ...وردت أتصل بي ..خفت ..أي خفت ...أسمع صوته ويسمعني كلام يخليني اخسر حتى حبه المحفور بصدري
طلعت صوره وصور ..نور ..وبقيت أكلب بيهن وأبجي

رعد ...صعدت نور لغرفتها بدون ما تلفت علينه ...ولا حجت أي كلمه ممكن تخفف عنها ألمها ....ردت أصعد وحنان منعتني

حنان ....رعد فدوه عوفها لخاطر الله ..شتريد منها ...واحنه سبب كل عذابها هذا

رعد .... لج حنان أبد ما خطر على بالي يصير هيج ..توقعت يرجع سعد وأهدده ..حتى يبعد من حياتنه ...وهو راح يروح مثل ما راح من زمان..وبعد ميرجع

حنان ....كافي عيني إلي صار صار اللوم بعد ميفيد

كيان .... أخذت همسه وطلعت ووصلت للبيت ..... جسمي يمشي وروحي بقت عد نور إلي ذبحها أحمد ...من تخلى عنها ببساطه ....واكثر شئ دمرني منظرها وهي تسلم أبنها بيدها لأحمد حتى يأخذه منها .... حسيتها تريد تعلن ضعفها وقلة حيلتها ...بسبب ذنب هي ما ألها أي علاقه بي ...وفوك كل عذابي هذا بدت اسئلة همسه تزعجني ... كل دقيقه تريد مني شرح للوضع الي شافته بعيونها وشلون نور وعلي ...يصيرون ولد سعد ... وعمو رعد شلون مسميهم باسمه ..وشلون وشلون لحد ما عطت بيها ....كافي همسه أسكتي لخاطر الله تره إني ما ناقص تعب وحركان قلب إلي بيه مكفيني

همسه .... كيان أريد منك شرح بسيط حتى دماغي يصفى فدوه لتصيح عليه وفهمني شلون نور وعلي يصيرون ولد سعد ...يعني هم أخوتك لو شنو فهمني

كيان ... همسه عوفيني ..وبعدين إني افهمج ..بس ما أريد ابوج يسمع أي شئ من الي صار لحد ما إني أكلج ...لو إني اشرحله الوضع فهمتي

همسه .... صار حبيبي

كيان ......من سمعت ردها ....حسيتها خافت مني .....حظنتها حبيبتي ... أريدج تعرفين شئ واحد ...إنتي كل حياتي ...حاضري ومستقبلي ...وأذا تريدين تعرفين الماضي انطيني مجال اني أحجي ألج بس مو هسه