قلوب مهاجره

البارت الخامس والعشرين

مساء الحب ..لكل احبتي ومتابعيني
🍀
🍀
🍀
🍀
علي ....أحجي شنو قصدج ليش هيج ..حجيتي علينه وعلى شرفنه

نور ...لأن سوايتك محد يسويها غير الناقص ...

علي ...لتخليني أعيد الحجي ...ليش ربطتي كلامج بأبويه ..وشنو قصدج فاطمه وأهلها اشرف من عدنه نور فهميني ..شنو الشئ الي ما أعرفه عن أمي ..وأبويه

كيان ...دخلت للكليه بقيت أفتر وادور علي ماكو .... سألت كالوا ما مداوم ..ضل بالي يمه هذا من البارحه موبايله مغلق واليوم ما مداوم رجعت دكيت ..بعده جهازه مغلق ...شنو قصته طلعت من الكليه ...حتى أروح اطمئن عليه ..وبباب الكليه ..شفت همسه ...جايه من جهة الكراج ...
صباح الخير همسه
همسه صباح النور
اباوع عليها ..أبد ما أهتمت لوجودي مجرد ردتلي ..الصباح ..ومشت ...رحت عليها
همسه ممكن أحجي وياج ..

همسه ..أعذرني كيان المحاضره راح تبدى ..و أنته عايفها وطالع ... هذا الشئ عجيب

كيان ...علي ..ما ممداوم اليوم ...وأتصل بي جهازه مغلق ..ظل بالي ...أريد أروح أشوفه

همسه ...سلامته يا رب ماكو بس الخير....هواي تسلملي عليه ..من رخصتك ..

كيان ...همسه ..شكو ليش هيج وجهج ثكيل عليه ...

همسه ...بالعكس كيان شلون ...وأنته صاحب فضل جبير عليه ..كافي خليتني أحسب لتصرفاتي ...وثقتي بالناس ألف حساب ..وعرفت ..... مو كل الناس نيتها صافيه ...مثلي ..وهسه تسمحلي المحاضره راح تبدي

كيان ..عافتني ومشت... ولا عبالك أني كيان إلي سوت المستحيل حتى يهتم بيها ..عفتها وطلعت لأن قلقي على علي أهم منها ..وصلت لبيت عمي رعد ....
دخلت ...لكيت بس المربيه بالبيت ...سألت على نور وعلي ...عرفت نور طالعه وي أحمد تحجز بدلات ..وصالون ..لأن ما بقى شئ بس يومين للعرس
و علي بغرفته صعدت ...لكيت الغرفه ظلمه ..وهو نايم
شغلت الأضويه ...وضل علي ..يصيح لحد يشغل الضوى أريد أبقى نايم
كيان ....علي شبيك ليش نايم لهاي الساعه

علي ... من نور كالت هيج ....شكد لحيت عليها تفهمني سبب كلامها شنو وليش طعنت بشرفنا رفضت ..وردت أتصل بأبويه وافهم منه ....تعاركت وياي ....و ضلت تلوم بيه ..وتحجي عليه ..عفتها وطلعت يم ولد صديقي ..عنده شقه ... ننجمع بيها إني و أصدقائي دائما ...كعدت وياهم وشربت .لحد ما فقدت ....وما أعرف شلون وشوكت رجعت للبيت .....كعدت على صوت كيان ...
هله كيان همزين أجيت ..

كيان ...شنو هاي حالتك علي شبيك ..صاير شئ ..جهازك ليش مغلق قلقتني عليك هواي

علي ...لك كيان إني تعبان حيل ...

كيان ... احجيلي شبيك ...والبارحه وين جنت لأن وضعيتك ..وانته نايم بملابسك وحذاءك ..هيج أبد مو طبيعيه

علي ...لك كيان..نور عرفت..سالفتي ويه فطم

كيان .... ليش علي ليش ... شلون تطلع سر فطم وتفضحها مو حرام عليك