قلوب مهاجره

البارت الرابع

مساء الحب ....متابعيني الغالين
🍀
🍀
🍀
🍀
🍀

الأم ....يمه حنان أحجي ..

حنان ...والله يمه كذب إني ما عندي شئ بس ميعاد ...وسعد تهموني ...لزمني عدنان ضرب وغلط ... وأهانه

عدنان .....لج لتكولين تهموني ..لوما لازمين شئ عليج ما يكدرون يفكون حلكهم عليج بحجايه ..وركعتها بالكاع

الام ...ولك يمه عوف أختك حامل ..خطيه

عدنان ....وهاي المصيبه الاكبر خاف نوب ... الطفل ..يذبوا علينه....فوك مصيبتها

حنان ....شنو يذبوا علينه ..هذا إبني ومستحيل أنطي لميعاد وسعد

الأم ...ولج يمه مو كتلج عوفي الشك يهجم بيوت

حنان ....يمه سمعتها بأذني تكله نور بنتك ...رجع عدنان ضربني... تريدين تشوهين سمعتهم ...مثل ما كسرتي وجهنا وخليتي روسنا بالكاع

الأم ... يمه أختك مستحيل تسوي شئ غلط ..

عدنان ...شلون شكله الغلط بعد فهميني ..شلون يصير إذا وحده متزوجه وحامل وتصادق واحد ....أكو غلط أكبر من هذا

حنان ....أنت ليش متقبل تصدكني ...والله ميعاد تهمتني باطل ..

عدنان ....زين ميعاد شعدها وياج ....حتى تتبلى عليج ... سعد ..وأمه... شلون...يصدكوها ... ويصيرون وياها غير تأكدوا من حجيها
شوفي حنان باب البيت متطلعي لحد ميجي أكرم .... حتى نعرف نتصرف بهاي المصيبه

سعد .... بقيت واكف بمكاني ... أباوع عدنان يسحل حنان ويغلط عليه ... وإني ما أكدر أسوي شئ .... لأن هي مقبلت تسكت وتنسى الموضوع ......فكرت أروح لبيت أهلها وأحجي كل شئ.... بلكي يفهمون موقفي ويعذروني ....وأرجع حنان لبيتها ....زين إذا ما قنعوا وحنان بقت معانده ....يعني راح أفضح نفسي بنفسي ...عفت البيت وطلعت .... أشتريت شرب ...ورجعت للبيت

ميعاد ....همزين رجعت بسرعه ظل بالي عليك كلت خاف تسوي حادث ...لأن طلعت عصبي

الأم ....وعليمن عصبي ...مو زين ربك كشفها ...من البدايه ...والله لو ما ميعاد كشفتها جان بقت تضحك عليك

ميعاد ....والله خاله شكد توسلت بيها وهي مقتنعت ... تعوف صاحبها

سعد ....كافي ..ما أريد أسمع ولا كلمه وإنتي أخذي بنتج ورجعي لبيتج

الأم ....ليش يمه خليها يمي ....شو بقيت وحدي ....منو يساعدني اقلها ..... تسويلنه لكمه نأكلها

سعد....أوووووووو ...صعدت لغرفتي وكعدت أشرب لحد ما تعبت ونمت

ميعاد ....بقيت أفتر بالبيت ...وأخيرا طلعت حنان من حياة سعد ...وشلون طلعه بلا رجعه أن شاء الله .....صعدت لكيت سعد نايم ....وعرفت بي سكران لأن شفت الغرفه هوسه ...لملمت الغرفه ...وأجيت مددت بصفه