The Phantom Hero

Noir. 03

      Armado ng matataas na kalibre ng mga armas, suot ang mga bulletproof vest, ang binuong 'Special task force' para hulihin ang isang sindikato na nagbebenta ng ilegal na droga ay nasa kanila nang destinasyon kung saan sa hindi kalayuang planta magaganap ang transaksyon ng dalawang grupo.

  

    Huling huminto ang sasakyan ng troop commander na si SPO4. Christian Bernal kasama si SPO2. Alwina Magtalas.

   

    Binuksan ni SPO4. Bernal ang likuran ng sasakyan kung saan nakalagay ang M16a1, SPAS12, Grenade launcher, mga 100rounds-mag.clip, shotgun shells, mga smoke grenades at isang banig ng Modess.

   

     Kitang-kita iyon ni SPO2. Magtalas,(ang isang banig ng Modess) pero hindi na niya kinuwestiyon ang Troop commander.  Siryoso lang ito nakatingin sa kanya.  Nagka-titigan lang sila, habang minadaling isara ni SPO4. Bernal ang likuran ng sasakyan sa sobrang hiya.

     

      Isa sa mga naglalakihang dating plantasyon ng mga metal ang lugar kung saan itinuro ng isang mahusay na Informer, ang meeting place ng mga dealers at buyers.

    Ngayon ay isa na lamang itong abandonadong gusali na pinamamahayan ng mga gagamba, ipis, butiki, tuko, langgam, mga ligaw na halaman, matataas na damo, sanga, puno, baging, mga basag na bote, punit na damit at mga condom.

   

      Huling ikinabit ni SPO4. Bernal sa kanyang kanang tainga ang MRE(Micro Radio Earpiece) at sinigurong nasa posisyon na ang tatlong team bukod sa ika-apat na team na kasama niya.

  

     "Bravo team. Report." Tawag niya sa team na naka-asign sa kaliwang bahagi ng planta.

   

      "We're in position Sir. Awaiting order." Sagot ng team leader sa kabilang linya.

  

    "Charlie, Delta.  Report." Tawag niya sa iba pang team.

  

     "Charlie team.  Awaiting order Sir." Sagot ng team leader ng Charlie.

   

     " Delta team. Sir, target on sight.  E.T.A.(Estimated time of arrival) one minute." Report ng team leader ng Delta na naka-posisyon sa likuran ng planta.  Nasa mataas silang bahagi kaya natatanaw na nila ang apat na itim na sasakyan na pumapasok sa area.

  

    "Everyone hold your position." Sumenyas na din siya sa team leader ng Alpha at pumusisyon na din ang kasama nilang team, maliban kay SPO2. Magtalas na nasa tabi niya. "Everything goes according to plan... If ever... there... is......  Hello!"

 

     Isang phone call mula sa cellphone ni SPO4. Bernal ang gumambala sa kanya.

  

     "Kuya!  'Asan ka na ba?!" Isang iritableng boses ng babae ang nasa kabilang linya.

  

    "Bakit ba?!" Galit na tugon ni SPO4. Bernal.

    Halos mabasag ang tenga ni SPO2. Magtalas sa lakas ng sigawan ng mag-kuya na hindi naman nila gustong marinig.