منقولة بقلم / ريهام اسماعيل ♥
فى احى المنازل العريقه نسمع صوت بكاء مسموع فى احدى الغرف , كانت هناك فتاه تجلس امام المرآه تبكى بشده
سارة والدموع ماليه عينيها : ياماما كفاية لو سمحتى انا مش عايزة , مش عايزة اتجوز حرام والله ..حرام اللي بتعملوه فيا دى
الام سهير بحده : بقولك ايه يا ساره , بلاش دلع بقى واقعدي عدل خلي الكوافيرة تشوف شغلها وتعرف تمكيجيك وما تكسفناش قدام الناس.سارة ببكاء : يعني فرح ليا ومش عايزين تعملوه , ومش عايزيني اتكلم والله حرام وكأني مش بنتكم . انا لو وحدة غريبة ما كنتوش حتعملو معاها كدة.الكوافيرة : بس يا سارة ليه بتعملي في نفسك كدة .... انت عروسة زي القمر ... كفاية عياط بقى
. سارة : وانت مالك بيا ما حدش ليه دعوة بيا وانا قلتلكم انا مش هاطلع يعني مش هاطلع.
سهير بحده عاليه : بس بقى يا سارة واحترمي نفسك وما تكلميش الكوافيرة بالطريقة دي وبطلي دلع لحسن صدقيني هاروح انادي ابوكي واخواتك يتصرفوا معاكي . دة ايه الغلب ده
تغادر سهير الغرفه وهي متوتره ومنفعله وسارا القت بنفسها على الفراش من شده البكاء
سهير وهي خارجه من الغرفه التقت بزوجه ولدها كانت ذاهبه اليهم
هدي : مالك يا خالتى متعصبة اوووي كدة ليه خير!!.سهير : والله تعبت من البنت دي ومش عارفة اعمل معاها ايه , عمالة تعيط ومش عايزة الكوافيرة تحطلها المكياج ... ياريت تدخلي ليها وتفهميها وتعقليها , ان العياط والعند ده مش هايعمل اي حاجة .
هدى: ماشى ياخالتى انزلى انتى تحت وانا هاروح اشوفها
نزلت سهير لكان تشرف على البوفيه جهز ولا لسه , وترى الوضع اذا كان تمام عشان العشاء اللي عملينه بمناسبه زواج ابنتهم سارا
هدى وهي داخله غرفه ساره قالت بضحك : ايه الدموع دي كلها , كل دى علشان هانوحشك يااااه ياسارة بطلي عياط بقى .
هدى ذهبت عند الكوافيره وقالت لها انها تتركهم لفتره بسيطه
وبالفعل غادرت الكوافيره الغرفه
أنت تقرأ
سهام الحُب
Romance♥الحب الحقيقي هو الذي تحس به بعد فوات الأوان الحب يجعل الزمن يمضي والزمن يجعل الحب يمضي الحب كالمركب، إذا حمل أكثر من واحد غرق.... المرأة هي التي تختار الرجل الذي سيختارها... نظلم الحب عندما نصفه بأنه نار، فالحب الإنساني لا يصير إلى رماد... دموع ال...