سهام الحُب

البارت الرابع والعشرون

فى الصباح الباكر كان احمد يبدل ملابسه لكى يغادر من عزلته التى دامت يومان

وقف امام المرآه وصفف شعره , فلفت نظره عطر رهف الذى كانت تضعه له , امسكه بيده وظل يتنفس رائحته , ثم وضعه علي التسريحه , فدق هاتفه المحمول فقال : ليدو الجن فينك ياض , تمام نازلك

نزرل وقام بعناقه بقوه ويقول : ليك وحشه وحشه يا جدع والله

وليد يربت علي ظهره ويقول : وانت كمان يابو شوقى ياغالى

احمد ينظر الى والدته التى كانت تقف بمقربه منهم : انا نازل مع وليد شويه

سهير بتنظر الى وليد الذى فهم ما تقصده ويغمز لها : طيب خلى بالكم من نفسكم احمد ما تتأخرش يا ضنايا

احمد بمرافقه ابن عمته : ان شاء الله سلام

سهير : يارب يصلحلك الحال ياابن بطنى ويهديلك بالك

اتجهت هدي نحوها ببطء شديد وكانت تضع يدها علي بطنها بألم وقالت : هو احمد خرج يا خالتى

سهير وتنظر لها : ايوه , انتي لسه تعبانه يا بت

هدى بالم : وجع بسيط

سهير امسكت بذراعيها وقالت : طيب يالا امشيكى شويه بره فى الجنينه

هدى بضجر قالت : ياخالتى كفايه انا بقالى 10 تيام بتمشى وخلاص مش قادره حاسه ان بطنى هتقعى منى

سهير بامتعاض تقول : ايه الستات الخايبه دى , جاتك خيبه انا كنت حامل فى احمد وكنت ما بقعدش ثانيه واحده

هدى : على ايامكم بقى ياخالتى , انا رايحه ارتاح شويه فى اوضتى لو العيال جم خليهم يطلعولى

سهير بمصمصه بشفايفها تقول : خيبه على الستات الخرعه روحى ياختى

**********ريهام*********

كان احمد جالس مع وليد فى كافى شوب وهو لم يكن معه بل شارد ذهنه وناظر الى البحر

وليد : ايه ياابنى هفضل اعيد وازيد فى الكلام كتير كده

احمد : معلش يا وليد اصلى بقالى كتير ما جتش المكان ده

وليد : اه فاكر اخر مره كنا هنا احنا التلاته ههههههههههههه وانا كنت بتريق عليكم وعلى جوازكم اهو ادينى بقيت زيكم

احمد ينظر الى ساعته ويقول ليغير الموضوع : هو علاء اتأخر ليه كده

وليد : زمانه جاى قالى انه عند حماته اسكت مش مراته حملت تانى

احمد وينظر اليه وبنغزه بقلبه : ماشاء الله يتربو فى عزه

وليد : مين كان يصدق ان علاء يتجوز تانى بعد ما طلق قريبته دي , وسبحان الله فى اول شهر تشيل

يشرد احمد قليلا فى اعوام عندما علم بأن نتيجه تحاليله اتلخبطت مع تحاليل علاء صديقه بالمعمل , لان علاء اسمه الحقيقى وبشهاده الميلاد احمد شوقى , ومن هنا جاءت اللخبطه , فقال لنفسه : يعني لو النتيجه كانت بالاول صح كان حاجات كتير اتغيرت , بش اكيد ربنا ليه حكمه فى كده