سهام الحُب

البارت الرابع عشر

سمع بكايا الحجر نهنه وقال مالك .. مالك فتقت قلبى وانا بابكى على حالك حالك فيه حاجه غاليه عليك يا شاب ضايعالك ضيعالك انا قلت ضاع الامان منى ومش امن ومش امن باحلم اعدى الزمن فى نطه مش ضامن مش ضامن

ووليد راكض الى حجرته فسمع بعض كلمات اغانى الكنج محمد منير فذهب الى مكان الصوت ودق الباب ودخل الحجره

وليد وهو بيدندن ببعض كلمات الاغنيه بطريقه لطيفه : ياحمام بتنوح ليه ولا اقول يا بثينه بتنوحى ليه يخربيت ام نكد البنات ده

بثينه كانت تجلس تبكي على فراش فى حجرتها القديمه فى منزل والدها وبنبره حزينه : عاوز ايه يا وليد ارجوك سبنى فى حالى

وليد ركض اليها وجلس بجوارها : ليه بس كده ما انتى اللى نكديه نعملك ايه يعنى حد يطول كان يعيش عيشتك اللى انتى عيشاها ربنا رزقك بزوج مفيش احسن من كده وكمان رزقك بامه طيبه وحنينه معاكى ومعاكى بنت خالك عايزه ايه تانى

بثينه وتزيد فى البكاء : يعنى انا دلوقتى اللى بقيت نكديه ورفست النعمه بايدى مش انت تقصد كده واللى سبنى وهج من بيته حتى ما كلفش نفسه يقولى هو متههب ورايح فين انا اعرف زى الغربيه لما اسال سارا هو فين عمر تقولى ما سافر يا بنتى وكأنى اخر من يعلم اقول ايه حسبى الله ونعم الوكيل

وليد ويربت على كتف اخته : خلاص بقى يا بوسى وحدى ربك وقومى اغسلى وشك هو بس تلاقيه زهقان من حاجه او مضايق هو انا اللى هقولك عليه بردك يالا قومى اغسلى وشك واهو حبيب خالو صحى وبدا فى الازعرينه بتاعته

بثينه تركض الى ولدها وتاخده بحضنها وتنهار فى البكاء مره اخرى

********ريهام**********

وفى مكان اخر كانوا جالسين على مائده ويتناولون وجبه العشاء

سهير بتغرف الطعام فى الاطباق : خد يا جمال من ايدى

جمال : ما تقعدى انتى يا ماما وهدى تغرف علشان ما تتعبيش

سهير : انا مبسوطه كده هاتى طبقك يا رهف

رهف وتعطى لها الطبق : ما تكتريش من فضلك يا ماما لانى مليش نفس

هدى وكانت تطعم اولادها : وطنط صفيه على كده لسه ما فاقتش يا هوفه

رهف واطلقتت تنهيده وبنبره حزن : لا لسه كنت عايزه استنى لحد ما تفوق بس شريف قالى امشى انتى علشان ما تتأخريش

جمال: ان شاء الله هتقوم بالسلامه ما تقلقيش يا رهف انتى بس خليكى فى مذكرتك علشان الامتحانات على الابواب

رهف : ربنا يستر ان شاء الله يا ابيه

سهير : انا هروحلها بكره ان شاء الله الصبحيه تكون فاقت

كلهم : يارب ان شاء الله

ومر المسا وجاء الصباح وفاقت صفيه وطلبت انهم يتصلو بزوجه ابنها عمر ويطلبو منها ان تعود الى المنزل مره اخرى لكنها رفضت واصرت بعدم العوده الي المنزل