سهام الحُب

البارت السادس والعشرون

وهم فى طريق عودتهم الى المنزل وفى السياره

يارا: ممكن اعرف بقه مالك ها وماتقوليش مفيش حاجه

رهف بنرفزه : يعنى انتى ماتعرفيش انى كنت هاتخطف يعنى

يارا: رهف مش قصدى وكمان وطى صوتك احنا مش فى اوضتنا احنا فى العربيه

رهف: قولى لنفسك يا يارا مش ليا

يارا: الله يطولك ياروح رهف ما تدوريش عليا المردى مش هاسيبك اللى لما تقوليلى فى ايه بينك وبين احمد

رهف اندهشت ونظرت لها واتحرجت: اااااا احمد مين

يارا بنظره خبث: احمد اخو سارا يا رهف

رهف : ماله بقه

يارا: مالو بيكى وكان بيكلمك كده ليه ويزعق فيكى وكمان انتى رديتى عليه برضه بنرفزه اكيد فى حاجه

رهف ابتلعت ريقها : انا ماعرفش انتى بتتكلمى على ايه وانا اصلا المفروض اكون مخضوضه

يارا: بقه كده يا رهف طيب بعد حفله خطوبتى هاعرف وانتى اللى هاتقوليلى بنفسك اوكيه

رهف: لما يكون فى حاجه ابقى اقولك عليها

وساد الصمت داخل السياره ووصلت للفيلا ودخلوا ورهف ذهبت مسرعا الى غرفتها بينما يارا جالست بجوار والدتها

صفيه: ها عملتى ايه جبتو الفساتين

يارا: اه انا جبت كل حاجه

صفيه: طيب ورهف جابت ولا ماعجبهاش زى كل مره

يارا وتفكير على حال رهف: لا قالت هاتلبس اى حاجه عندها

صفيه: طيب يالا بقه اطلعى وارتاحى شويه لحد لمااخواتك يجيو من بره وانده عليكم عشان تتعشوا

يارا: اوكيه ماما

*******ريهام*******

من ناحيه اخرى

هدى: مهند مهند تعالى بقه عشان تتعشى

مهند ابن جمال وهدى: لا مس ايز( مش عايز)

هدى:يابنى عشان اروح اشوف اخوك يوسف

مهند: ماليس دحوه مس هاتل (ماليش دعوه مش هاكل)

هدى بعصبيه : عنك ما اكلت ها

سهير: فى ايه ياهدى ملك ومال نوده حبيب قلب تيته

هدى: مش عايز ياكل ياخالتى تعبنى معاه اعمله ايه بس

سهير: طيب هاتيلى الاكل وانتى روحى شوفى هاتعملى ايه

هدى: كنت عايزه اروح ليوسف وكمان احضر هدوم بكره ان شاء الله اللي هانلبسها عشان خطوبه يارا

سهير: طب روحى وانا اللى هاكله تعالى يا نوده كل

مهند: مس ايز اتل يا نن(مش عايز اكل يا ناناه)