احمد كان قادم من الورشه ومتجه الى غرفه مكتبه فجلس وامسك موبايله الذى قد نسى ان ياخذه معه ولاحظ بوجود مسدات كول كثيره من رهف ومعهم رساله والتى كانت تقول فيها له :انت فين ده كله اكيد يا سيدى ناسى موبايلك كاالعاده اوك على العموم انا رايحه الجامعه ولوقتى مع يارا وهستنى منك مكالمه سلام يا مودى
ابتسم احمد وبالفعل اتصل بها لكن هاتفها مغلق فقال ممكن تكون فى المحاضره او شبكه فقال : شويه وهبقى ارن تاني
ناحيه اخرى
سهير:ياهدى ياهدى
هدى: نعم ياخالتى
سهير: هو انتي هاتروحى لعمك محمود النهارده ولا بكره
هدى: لا انهارده ان شاء الله , ده محجوز فى المستشفى بقاله يومين
سهير: وهتروحى لوحدك ولا جمال هايعدى عليكى
هدى: لا جمال قالى انه هايجى معايا ان شاء الله
سهير: طيب خلاص خليني انا مع العيال ولما يطلع بعون الله ويروح بيتهم هبقى اروحله انا وعمك شوقى
هدى: ماشى ياخالتى اللى تشوفيه انا هروح اغير هدومى لان جمال زمانه جاى
سهير: طيب ياحبيبتى وابقى سلمى عليه كتير
هدى: يوصل ان شاء الله
ناحيه اخرى
صفيه كانت بتشرب كوبايه شاىفى المطبخ: قوليلى يا سعاد اخبار عيالك ايه
سعاد كانت قاعده جنب منها بتخرط ملوخيه: الحمد لله يا ست صفيه كلهم كوسين
صفيه: مش ناويه تجوزى ابنك بقه ولا ايه
سعاد: ايدى على كتفك يا ست صفيه انتى عارفه المصاريف واى عروسه ولوقتى اول حاجه بتسال عليها الشقه والوظيفه
وانتى عارفه انه بيشتغل مبيض محاره وكمان معندوش شقه عشان يتجوز فيها
صفيه: ياعينى على الشباب فعلا
وهنا جاءت اليهم مقاطعه لحدثيهم
سارا: السلام عليكم
صفيه: وعليكم السلام اخبارك ايه يا سوسو النهارده
سارا: الحمد لله يا ماما اهو المغص بيخف شويه بشويه
سعاد: معلش استحملى يا ست سارا هانت كلها شهر وشهور الوحم هتعدى على خير
سارا: يارب يا داده والله خلاص تعبت كتير
صفيه: ههههه وانتم لسه شفتم حاجه من اللى احنا شفناه زمان ده انتم كل حاجه متاحه ليكم من كل شى ودلع كمان اما احنا زمان ياعينى علينا كانت مافيش غسالات اتوماتيك زى دلوقتى وكنا بنغسل على الغساله العاديه وعلى ايدينا ساعات احنا شفنا ايام عجب
أنت تقرأ
سهام الحُب
Romansa♥الحب الحقيقي هو الذي تحس به بعد فوات الأوان الحب يجعل الزمن يمضي والزمن يجعل الحب يمضي الحب كالمركب، إذا حمل أكثر من واحد غرق.... المرأة هي التي تختار الرجل الذي سيختارها... نظلم الحب عندما نصفه بأنه نار، فالحب الإنساني لا يصير إلى رماد... دموع ال...
