سهام الحُب

البارت العاشر

كانت رهف وافقه تتأمل الصغيره عبر الزجاح الخارجى من الغرفه التى كانت بها فى احدى الاجهزه لتكمل نموها وبعد قليل ذهبت الى غرفه اختها لتجلس معها

يارا: ايه يا هوفه نورا عامله ايه

رهف ومازالت تتألم من الدوران : سبحان الله زي الملايكه يا يارا

يارا وتنظر الى رهف فى دهشه: مالك يا هوفه انتى تعبانه

رهف بتعب ملحوظ: اه شكلى خدت برد جامد دايخه شويه

يارا: طب انتى اكلتى؟

رهف: لا مش ليا نفس اكل حاجه

دينا وبعد ما انهت صلاتها: ازيك يا رهف اخبارك ايه

رهف ويارا: تقبل الله يا دينا

دينا: منا ومنكم باذن الله

يارا: ممكن يادينا تجيبى لرهف اكل

دينا: بس كده من عيونى

رهف: لالا انا مش جعانه

يارا: لا لازم تاكلى انتى مش شايفه شكلك بقه عامل ازاى

رهف وتنظر الى نفسها: عامل ازاى ما انا حلوه اهو وزى القمر

دينا: انتى القمر نفسه يا هوفه

اتفضلى تعالى يالا عشان تاكلى الاكل بايدى وحياه عينى

رهف: هههههههههههههه تسلم ايدك وعينك يا دينا

وركضت رهف الى الطاوله التى عليها الطعام لكنها قامت مسرعا ولم تتناول اى شى

يارا لاحظت وقوف اختها: ما اكلتيش ليه

دينا: هو اكلى مش عجبك ولا ايه رهف

رهف وشعره بانها تريد ان تتقيء , فركضت مسرعا الى دوره المياه

دينا: يارا مالها رهف الاكل مش عجبها

يارا : لا ابدا تلاقيها اخده برد او حاجه

وخرجت رهف من دوره المياه ونظرت اليهم: انا اسفه كتير دينا بجد اكلك جميل تسلم الايادى بس مش عارفه انا معدتى مالها

دينا وتقترب منها وتعقد حاجبيها وتسأل: انتى حاسه بايه يارهف

رهف وتضع اناملها على راسها: دايخه ونفسى غمه عليا

دينا وتبتسم وتقبلها: يبقى الف مبروك يا احلى هوفه

رهف باستغراب: مبروك على ايه

يارا وتنهض من على الفراش وتتقدم اليها بفرحه وتقول: انتى بتقولى نفسك غمه عليكى وهى بتقولك الف مبروك انت اكيد حامل ايتها الجميله اللمضه

رهف ويبدو عليها الفرحه وتضع يداها ع بطنها : بجد يعنى انا حامل

دينا: اكيد حبيبتى بقولك تعالى بقه واقعدى ومش تتحركى كتير لحد ما نطمن اكتر