سهام الحُب

البارت التاسع

وكالعاده فتح باب الغرفه وركض اليهم وابتسم اول ما راى يارا نائمه علي الفراش

يحيي عقد حاجبيه وقال : انت جيت ازاى يا قرد انت؟

الطفل المشاكس ادهم قال وهو يسير بالاتجاه نحو يارا علي فراشها : جيت بتاكسي هاهاهاهاها

اطلق يحيي ضحكه مدويه وضرب كف بالاخر وقال : وربنا انت مش طفل ابدا , انت راجل وبيضحكو علينا

ادهم وهو يلوح براسه قال : ابقى قولهم علشان مضش مصدقين , المهم فين عروستي

دينا تنظر اليه باستغراب وتقول ليارا : مين عروسته ومين الواد ده

يارا بابتسامه مرهقه : ايه ده انتي ما تعرفيش ادهم ابن دكتور ايمن

شهقت دينا بدون صوت وقالت : هو ده ابو لسان عاوز قصه , ده محمود كتير بيكلمني عنه وبيقول انه قلب المستشفى الكام يوم اللي قاعدهم هناك مع باباه وقت عمليه امه

يارا : اهو هو دا ادهم , وعروسته تبقى نورا

يحيي تقدم اليه وقال وهو يداعب شعره الطويل : انت جاي ازاى واياك تألش وتقولي جاى فى تاكسي

ادهم : جاى مع تيته ثريا وهو جايه ورايا بالعكاز بتاعها

يندهش يحيي ويقول : وانت ايه عرفك رقم الاوضه

يزفر ادهم بقوه ويقول وهو يتأفف : ايه الغباء ده اكيد سألت وانا طالع , قولي بقى فين عروستي

يحيي جز علي اسنانه وكاد ان يتكلم الا وباب الغرفه يطرق وتظهر منه سيده فى العقد السادس من عمرها تدخل الغرفه ويعلوها ابتسامه وبايدها عجاز تتعكز به تقول : السلام عليكم

الكل : وعليكم السلام ورحمه الله وبركاته

نظرت لادهم وقالت بنظره بها اعتذار : اسفه لو ادهم عملكم اى ازعاج

يحيي يداعب شعر ادهم ويقول : مفيش داعي للاسف , احنا عارفين ادهم وهو اخد علينا , اتفضلي

تتقدم منهم وتقول ليارا : الف حمدلله بسلامتك يا مدام , بنتي عايده قالتلي انوب عنها بزيارتك لها واقولك الف لا باس عليكي

يارا بابتسامه : متشكره جدا لحضرتك مكنش له لازوم تتعبي روحك , هي كلمتني امبارح

دينا تعطي لها مقعد خشبى لكي تجلس عليه فتقول وهي تجلس بارهاق واضح : برده التليفون مش زي نتقابل وجه لوجه واطمن عليكي اكتر

دينا : تسلمي ويعافيكي يارب يا طنط

السيده تقول وهي تعدل من وضع نظارتها الطبيبه : تسلمي يا حبيبتي

ادهم يلكز يحيي ببنطاله ويقول : انت مش عاوز ترد عليا ليه , فين نورا عروستي

السيده بتوبيخ : ادهم عيب كده ابوك قالك ايه