سهام الحُب

البارت السادس والعشرون

مر ثلاث سنوات اخرى على ابطال قصتى وها هم الان فى فيلا محمد الاسيوطى مجتمعين ويتحدثون عن امور كثيره فلنركض لهم ولنرى ماذا يقولوا

كانت سارا جالسه فى الليفنج وبجانبها اخت زوجها : فى حاجات تحفه يا بت يا يارا بس ناهد اكتفت بدول بس

يارا وتضع مج المشروب على الطاوله امامها : اخص عليكو والله كنت نفسى اجاى معاكم

سارا : ما انتى اتأخرتى نعملك ايه

يارا : المهم دعاء اتبسطت هى وناهد

سارا : ما تتصوريش اد ايه فرحوا , كنت مبسوطه اوى بفرحتهم خصوصا ناهد

يارا : الله يرحمك يا ماما كانت موصيانا عليهم بعد وفاه داده سعاد

سارا : الله يرحمهم قلتى لرهف على معاد الفرح ولا لسه

يارا وتنظر الى ساعتها : لا تصورى نسيت اللي عنده عيال بيفتكر حاجه هى نورا راحت فين

سارا : مع ملك ودعاء بره فى الجنينه بيشوفو الحاجه

يارا : طيب هروح اشوف محمد صحى ولا لسه

سارا وقبل ما ترد سمعت زوجها ينادى عليها فركضوا سويا يارا على غرفه ولدها لتطمئن عليه وسارا الى غرفتها لترى زوجها

وفى الحديقه

ملك : على كده كل الاجهزه دى LG يا دودو

دعاء ابنه ناهد : ايوه كلها استاذ شريف كتر خيره هو وابله سارا اصرو انهم يجيبو البوتجاز والتلاجه والغساله كلهم الماركه دى بيقولو احلى ماركه

ملك : امممم كنت نفسى اجاى معاكو بس ماما قالتلى لا

دعاء وجهت نظرها الى الشرفه وجدت بثينه طاله منها وتنظر لهم بغضب : بصراحه يا كوكا انا بخاف اوى من مامتك بتعاملنى انا وماما بحده اوى

ملك : هههههههه يا ستى سيبك وخليكى فى ليلتك ها اتفقتى هتروحى كوافير ايه

دعاء : محمود قالى براحتك اللي تختاريه

ملك : مامت واحده صاحبتى عندها بيوتى سنتر حلو اوى هقولها عليكى ونبقى نحجز عنده

دعاء : على ايه بس التكلفه احنا مش هنعمل فرح يدوب هنلف شويه بالعربيات وبعدين نروح البيت

ملك : لا ازاى ده يوم فى العمر وكمان انا سمعت بابا وانكل شريف بيقولو هيعملو هنا علشان خاطر داده ناهد وكمان عمو راضى ابو محمود عشره وغالين اوى عندنا

دعاء بفرحه : بجد ياريت والله انا نفسى البس فستان ابيض واقعد فى الكوشه

ملك وتركض لها وتحتضنها : ان شاء الله هتكونى احلى عروسه

ومن اعلى مازالت تراهم بثينه وبغضب شديد : ملك تعالى عايزاكى

فى غرفه شريف كان يقف امام المرآه وهى تأتيه من الخلف وتعطيه قميصه وتحتضنه : حبيبى قمر انهارده