#مسارات_حياتنا_ستتغير
الحلقة 2
ملاك : عديت شور السيارة حطيت الحاجات وولعت وطول شور الحوش عديت وصلت نزلت وصكرت السيارة وخشيت لقيت امي ومروان ومريم في الجنان ....السلام عليكم
كلهم : وعليكم السلام
ملاك : حطيت الحاجات علي الارض ....مريومه خوذي هذينا حطيهن ف مطبخ بتاع امي فاطمة وصت عليهن
مريم : جيت خذيتهن وخشيت المطبخ
مروان : وين كنتي انتي
ملاك : برمة عليه .....في الجامعه
مروان : والله
مني : ماهو قلتلك عندها جامعة
مروان : كذابه فرخه هذي
ملاك : وعليش بنكذب كان ماكنتش فيها راهو حكيت ماعندي ليش نبرم ونكذب وماحد عنده حاجة عندي
مني : خلاص ملاك خشي غيري دبشك وتعالي بدلي دبشك عشان نحطوا الغذاء مسكت مروان علي الغذاء
ملاك : ماعندش نيه
مروان : اكيد واكله برا
ملاك : ﻻ النية انسدت والله
مروان : احسن بعدين شن قلت انا علي الحجاب
ملاك : مش شورك والموضوع هضا اخر مرة تفتحه ليا
مروان : تي يافرخة تحشمي علي فسختك طالعه هك بشفاشيف ولبس هضا كنك انتي
ملاك : فووووتني ترااا.....برمة بنخش فجأةيمسكني من شعري ......ااااه ياحيوااان سيب
مروان : انتي شكلك ياكلبه تبي تربية من جديد
مني : طاااح سعدكم مروان خلاص سيبها وانتي يافرخة شن قلت علي طولت اللسان انا
ملاك : عدي روووح انا ماحد دخله بيا تفهم
مروان : ﻻ مانفهمش وانتي اللي حاتفهمي
ملاك : ويبرك فوقي ويبدا فيا ضرب ....ياكلب اااه حووول
مني : يانعليااا يامروان توا تقتلها طاااح سعدك سيبها ....قعدت نسحب فيه من فوقها بس ماقدرت
مريم : سمعت العياط طلعت نجري لقيت مروان زاقب فوقها يضرب فيها ....حي علياك يامروااان سيبها ...جيت نجري نسحب فيه من فوق ملاك
ايناس : كنت جاية انا وامجد مروحه من معهد انا نزلت من السيارة وسمعت صوت عياط من الجنان ....حي ياامجد شن في صوت عياط من الجنان ....عديت نجري فتحت الباب وخشيت
امجد : لحقتها نجري ونشوف مروان يضرب في ملاك جيت نجري سحبته من عليها .....نعنجد اصلك شن ادير كيف تضربها يابلاء
ملاك : حووولي والله نوريك تمد يدك علياااا اناااا هااا
مريم : كان منزر ملاك بكل انفها دم ووجهه احمر وشعرها منتش .....بسم الله شن تحسي اسكتي
