#مسارات_حياتنا_ستتغير
الجزء التاني من الحلقة 13
ملاك : ﻻباس ياعمتي شن توا
وفاء : الله ﻻيوريك باس يابنيتي الحمدلله كويسه
هيما : معقوله جايه هك للعيادة
ملاك : اها مرة اخرة حنوتي روحي ونلبس كويس بعد بنسعف حد
غادة : ملاك هيا اللي سعفت ماما رنيت عليها نعيط جت طول للحوش
مريم : كانت راقدة طلعت فجاة تجري بس قالتلي جيبي سيارة عياط في حوش غادة وعدت تجري
ملاك : اصلا فصل بينا الخط مافهمت شي
وفاء : الله يربحك وين ماتعدي ويبعد عنك كل شر
ملاك : جيت شورها وبوست راسك ...ديما ادعيلي بحاجتهن هالدعوات
وفاء : ربي يفرحك ياامي
غادة : سحبت ملاك وحضنتها ....ربي يخليك ليا لولاكي انتي ومريومه راهو ماما مش معانا
هيما : بعد حضنتها غادة نفجعت بعد شفت يد ملاك كانت خضراء بالازرق عرفتها مسكت يدي هضك اليوم نصدمت
ملاك : بعد برمت لقيت هيما مفنص في يدي ....انا برا نستنا فيكم ...طلعت برا الدار وخليتهم شويه وطلع وسيم وهيما
هيما : انا ماشي شور الخزينه
وسيم : تم ...عدا هيما جيت شور ملاك سلحت جاكتي ومديتها لها ....خودي البسي
ملاك : شكرا مافش داعي
وسيم : البسيها بس مانحبش الشلتت تبحث فيك
ملاك : خذيت لبستها كانت جاكه جيشيه بتاع عسكريه
وسيم : صحيتي عشان اسعفتي امي وساعدتي غادة
ملاك : انتم اهلي فكني من الجو
وسيم : توا نكلم مريم عدي روحي انتي وياها تعبناكن واجد
ملاك : ﻻﻻ نستنوا نروحوا مع بعضنا
وسيم : براحتك ....قعدت مصبي مقابلها نستنا شويه وطلعت غادة ...شن
غادة : قالونا اطلعوا خلاص
وسيم : هيا ....خشيت جوا ساعدت امي وطلعنا
ملاك : هيا مريومه نسبقوهم نحن
مريم : هيا
هيما : جيت لقيتهم مطلعين امي ....شن صار
وسيم : خلاص كملت
ملاك : غمزت لمريم وطلعت
مريم : لحقتها ....تي شن الجاكه هذي
ملاك : وسيم عطاها ليا منظري فضيحة كان
مريم : بارك الله فيه هيا امشي نروحوا
ملاك : هيااا ......ركبت في سيارة وولعت طلعوا هما من الباب وركبوا طلعنا كلنا من العيادة وعدينا شور المزراعة وصلنا درسنا السيارة ونزلنا ....غادة تبي شي رني تم
