#مسارات_حياتنا_ستتغير
الحلقة 41
ملاك : لبست الخمار وطلعت عدينا للبيان كان الجو سمح وغيرنا جو خلينا دودي ونحن روحنا في طريق حسيت روحي غم عليا النفس رفعت الخمار وفتحت الروشن خلاص لعند وصلنا نزلنا لقيت وسيم مع عمي وحمادي في الجنان مقعمزين علي الطاولة نزلت وانا واصله حدي حتي خماري مرفعته
وسيم : كنت نبحث فيهم نازلين وين نزلت ملاك لفت نظري ملاك رافعه لخمار استغربت صبيت انا جاي شورها فجاااااة طاحت في الارض ....ملااااك
هيما : برمة طول وراي لقيتها طايحه جيت نجري ...ملاااك
وسيم : جيت نجري طبست عليها ....ملااااك ملاااك ..قعدت نخبط فيها علي وخذها ...ملاااك
وفاء : ياساتر كنها البنت يااانعليااا
حمادي : خذيت الطاسة من علي الطاولة وجيت نجري شورها قعدت نبخ فيها بالمياه
استبرق : طلعت العطر من الشنطة وقعدت نبخ فيه علي يدي ونحط فيها تحت انفها
وسيم : بدات تفتح في عيونها
هيما : رفعها حطها علي الكرسي وسيم
وسيم : حولوو هياا ...رفعتها وعديت شور الكرسي حطيتها
سليمان : كنها البنت شيلها للعيادة
وسيم : اهياا ناضت ...ملاك بحثي فيا كنك
ملاك : اااه راسي
هيما : ماتصبش خليك علي الكرسي
وسيم : كنك في شن تحسي
ملاك : شي راسي بروحه برم
وفاء : عوينه والله كلها تعيط عليك
وسيم : نعنجد عوينه امي شن كلام هضا
استبرق : صح العين حق كنك انت
حمادي : وكنها ماجاتك انتي وياهن ههههه
استبرق : عشان اول مرة يحقنها في مناسبة هههه
وسيم : هياا صبي
وفاء : امسكها راهو اطيح البنت
وسيم : ماطيحش واعيه قاعدة
هيما : امي خلاص خليهم
وفاء : خايفه علي البنيه اطيح انا
حمادي : عندها حق امك امسك البنت كنك
وسيم : ريح روحك
ملاك : صبيت بروحي ....سامحيني ياعمتي فجعتك وانت ياعمي سامحني
وفاء : جيت حضنتها ...ﻻ يابنيتي شاغلتيني وخوفتيني عليك انتي زيك زي غادة وباقي سلفاتك
ملاك : قعدت نبكي
وسيم : توا ليش تبكي
هيما : خلاص ملاك بروحك مريضه
سليمان : سلم بنتي ماتبكي كلكن بناتن مش صبايا اعيالنا
