#مسارات_حياتنا_ستتغير
الحلقة 26
ملاك : طلعنا من الحوش شور المزارعة كانت الدنيا زحمه بكل واستيقافات واجد ووصلنا للمزارعة ماجينش من قدام خشينا من لوراء وقفنا ونزلنا لحوشنا اول مرة نقعدو فيه بعد الصيانه وبعيد شويه عن حوش اهل وسيم خشينا تريحنا وتغذينا وجبة من المطعم وكل حد عدا المطرح كنت مرايفه علي وسيم بكل قلت نعدي نتسبل بغادة .....امي انا بنعدي لغادة
مني : توا وقت غذاء
ملاك : تي تبيني نساعدها مسكينه هيا اميرة نوسه تعدي انتي وياها
ايناس : ﻻ بعدين بنعدي
اميرة : باهي نعدي معك ياملوكه هيا نغير بس
ملاك : تي مستعجله انا ولبستك كويسه
اميرة : باهي قولي لشباب وخاصة الحصله مروان
ملاك : فكينا منه نطلعوا من الباب الخلفي هيا بس ...خذيتها وطلعت انا وياها من الباب الخلفي ونصادفوا الحاج
الحاج : وين ماشيه انتي وياها
ملاك : بنعدو لعيت غادة كلمتنا البنت عشان نساعدوها
الحاج : اها وكنكن طالعات من هنا
ملاك : عشان مروان حيدير قصة هالحصله
الحاج : عيب خوك
اميرة : ننقنا صح حيدير موضوع فكنا منه
الحاج : باهي عدي امشي انتي وياها وافطنن لروحكن
ملاك : حاضر .....عديت بسرعة انا وغادة شور الحوش
اميرة : بشوايه وانتي طايرة شوفي عجاجاتنا ورائنا
ملاك : هههه تريته الله يرحم ايام الاستراحة تمدي كراعك تلقي روحك قدام حوشهم
اميرة : هههه والله صدقتي
ملاك : وصلنا في الحوش لقينا شباب وهيما وحمادي قعدت ندور علي وسيم مالقيتش خشينا جوا بسرعة لقينا غادة ....غدغودة
غادة : اووووو لوكه ...جيت نجري حضنتها ....رايفت عليك ياغبيه
ملاك : هههه شكرا وحتي انا رايفت عليك
غادة : نجك ليا ميرو شن جو لك وحشه ..قعدت نسلم عليها
اميرة : الله يسلمك مبروك مادرتوا ربي تمم علي خير
غادة : عقبال عندك ان شاء الله
اميرة : ان شاء الله وعقبال عندك حتي انتي
غادة : ان شاء الله تعالن نعرفكن علي بنات العيلة
ملاك : هيا ....قعدت غادة تعرف فينا قعدنا نسلموا عليهن وقعدنا في مطبخ نحوسوا معاهم
~~~~~~~~~~~~~~~~~
وسيم : من الصباح وانا متشحور السيارة ونبرم مريت علي محل نبيه وجبت نواقص غادة اللي وصتني عليهن وحاجات حمادي جبتهن وروحت علي الغذاء وصلت لقيت رامي وشباب العيلة في الجنان يتغذو ....السلام عليكم
