#مسارات_حياتنا_ستتغير
الجزء التاني من الحلقة 46 والاخيرة
ملاك : كنت مقعمزة نرضع في مروان وانا مضايقه ...هيااا خلاص وانت تمص ساااد
فاطمة : ملاك كنك يافرخه بشويه علي الوليد
ملاك : بروحي مش طايقه روحي خطوووني ايوا
ندي : هاتي نديرله رضاعة احسن
ملاك : اهيا الشنطة
فاطمة : هاتي نلعبه الوليد علي ما درتله رضاعة وانتي لكي كم يموم تتعاركي مع ذبان وجهك
ملاك : هاااا ...مديته لها
اميرة : كنت نحكي مع زين علي النت قالي شويه قعدت نشوف في الاخبار نتصفح شفت صورة وسيم بدون مانقرا قلت ....وسيييم
ملاك : كنه ....طبست علي نقالها
اميرة : تي كنك وخري منزلين صورته بس
ملاك : بحتث في الصورة ونلقاء الخبر اللي قلب حياتي ودمرني كان ..ادعوا للضابط وسيم سليمان ال.... يرد طيب مفقود منذ ايام في عملية نوعية للجيش ....وووواااك عليااا مفقووود يااانعليااااا ووواااو عليااا وااااووو
اميرة : تي اسكتي بسس
مني : تي من قالها اسكتي
فاطمة : بسم الله فجعتي العيال من قالها
ملاك : يااانعلياااا منزلينه ووواااو مسكووو اعيال الحرااام يانعلياااا ياااباااتي
ندي : اهدي بس ممكن غلطانين اسكتي
فاطمة : كانت تعيط واطير وتنزل من العياط مديت العيل المني وجيت حضنتها .....اهدي ياامي ادعي يكون الخبر اشاعه كنك بسم الله
ملاك : يااامي وسيم لو مسكوا حيقتلوووه عارفتهم كلاب هما يبوها له ياااانعليا ياامي بات اعيالي مافرحت بيه
فاطمة : اهدي ياامي عشان عويلتك مش وعدتي وسيم اديري بالك منهم اهدي ياامي بلكي اشاعة
ملاك : اااااه ياامي شن بندير بلاء انا هك وهو بعيد مش قادرة نعيش يبال نخسره ااااه ياانعليااا ياوسييييم
اميرة : اسكتي ناس واجد نزلوهم وطلعت كذبه
ملاك : الا وسيم ياااميرة ليااا ايام مضايقه واهل وسيم معمرهم غابوا عليا هك اكيد صح انا حسيت بيها نااار في قلبي
ندي : اهدي بس مش كويس الرعايش لكي كنك
احمد : السلام عليكم
كلهن : وعليكم السلام
احمد : كنكن بسم الله والعيل يعيط ليش حطته هك ارفعنا
مني : ركبت فينا اختك تعيط
احمد : كنك ملاك
ملاك : وسيم مفقود صح مسكوا الكلاب صح قولها ليش داسينها عليااا هااا
أنت تقرأ
مسارات حياتنا تتغير (منقوله )
Roman d'amourروايه باللهجه الليبية منقووووووووووووله (مكتملة )
