#مسارات_حياتنا_ستتغير
الحلقة 42
وسيم : طلعت وركبت في سيارة ...تفضلي
ملاك : صحيت شكرا
وسيم : صحة تاكلي هنا او نمشوا في سيارة
ملاك : بجوك
وسيم : نبرموا احسن.....وفعلا قعدنا نبرموا وناكلوو بعد كملنا عدينا شور المختبر
ملاك : انزل انت جيب التحليل وتعالي
وسيم : كنك ننزلوا مع بعضنا
ملاك : انزل بروحك جيبه احسن كرعيا
وسيم : باهي ....نزلت خشيت لقيت البنت نفسها قاعدة ....السلام عليكم معليش يااختي عندي نتيجة تحليل قلتولي بعد ساعة تعال خود نتيجة
البنت : باسم من
وسيم : ملاك ال .....
البنت : لحظة ....اهياا تفضل النتيجة
وسيم : باهي معلش ممكن تقوليلي شن نتيجة هضا
البنت : والله ياخونا ممنوع
وسيم : هو تحليل حمل مش حاجة اخرة تحليل المدام
البنت : اها باهي هاته
وسيم : مديته لها ...تفضلي
البنت : فتحت الظرف وطلعت النتيجة ....الواضح في النتيجة ان المدام
وسيم : فجااة نسمع صووت ضرب رصاااص برا وطول اذكرت ملاك طلعت نجري برا لقيتها عركه وبحتث مالقيتش السيارة نفجعت برمة قعدت ندور بعيوني علي سيارتي لعند رن نقالي لقيته رقم ملاك ....الو وينك
ملاك : انا في الطريق المقابله ولعت العركه ركبت وطلعت بسيارة
وسيم : تي فجعتيني
ملاك : شن بنديرلك هضوما يتعاركوا جنبي هربت بسيارة قول الحمدلله ان هربت راهو لقيتني ميته
وسيم : هههه الحمدلله ياام لسان خلاص خليك مكانك نرد علي التحليل
ملاك : شن صار فيه باهي
وسيم : عطيته للبنت المختبر تشوفلي نتيجه وصار الضرب طلعت سيبته توا نرد عليه
ملاك : عدي بسرعة راهو يريح ماعندش دم نعاود تحليل
وسيم : ههه باهي اوكي ،،،طوووط ....رديت نجري جوا لقيت البنت قاعدة ..معلش طلعت وسيبت تحليل
البنت : ولا يهمك ومبروك عليكم تفضل
وسيم : علي شن
البنت : ماهو تبي تعرف النتيجة قصدي مبروك المدام حامل تفضل
وسيم : طرررت من الفرحة ...يباارك فيك عقبالك
البنت : هههه سلمك
وسيم : بعد ضحكت البنت فطنت لروحي فلمت ...خذيت التحليل وطلعت طول عديت شور السيارةوين ماحطتها ملاك لقيتها مقعمزه مكاني فتحت الباب ...انزلي اركبي مكانك ياحنه
