#مسارات_حياتنا_ستتغير
الحلقة 6
بعد يومين
هيما : تي هيا سكنتن في المحلات
اماني : تي بلا نق هيما بنشرو ساد طولنا في الطلوع
غادة : علي اساس بنجوا اول امس بس ماصارش عشان مرضت بابا خلينا نبرموا بالمهل الله يربحك
هيما : بااهي بس بسرعة
اماني : تعالوا نخشوا محل هنا
غادة : هيا ....خشيت انا واماني وبعدنا هيما لقينا خوات احمد في محل .....نوووسه
ايناس : اوووو دودي ....جيت قعدت نسلم عليها
ندي : خيرات اماني كيف حالك
اماني : ندوش كيف حالك
هيما : وخرت جيت جنب صاحب المحل وهنا يسلمن ونتفرج من بعيد علي هاالسريب
غادة : وين لوكه
مريم : جوا تقيس
غادة : اها
ندي : عندنا خطوبة مريم بكرا
اماني : اها الف مبروك مريومه ربي يسخرلك كل خير
مريم : الله يبارك فيك تسلمي يارب
غادة : مبروك مريومه
مريم : يبارك فيك وعقبالك
غادة : ان شاء الله شن شريتن كلكن او مازال
ايناس : شوفي هضا بتاعي
اماني : يهبل ماشاء الله حلو
غادة : حلو يانوسه تبيدي في الهناء
ايناس : تسلمي
ملاك : طلعت والفستان في يدي .....خودي رديهن زي وجهك ....مديتهن لايناس
غادة : ام لسان ههههه
ملاك : اعوذ بالله من الشيطان من وين طلعتي انتي
كلهن : هههههه
مريم : عيب ياهبله هههه
غادة : هههه شن دايرة يافرخه
ملاك : الحمدلله خيرات اماني شن جو ...سلمت عليها
اماني : الله يسلمك
غادة : مازلتي ماشريتي
ملاك : بنتفرج ناخذ بروحي ايناس جابتلي اسياتل مانحبش
ايناس : حق مش فيك اصلا
ملاك : ايوا فيك
مريم : عدي اختاري وقت امي ومنيرة بروحهن في حوش
ملاك : باه
هيما : نتفرج علي دبش عجبني فستان بسيط معلق حبيت ناخذه لاماني وكان اخر طرف معلق سالت صاحب المحل ......بكم الفستان التركوازي هضك
أنت تقرأ
مسارات حياتنا تتغير (منقوله )
Roman d'amourروايه باللهجه الليبية منقووووووووووووله (مكتملة )
