#مسارات_حياتنا_ستتغير
الحلقة 4
ملاك : طول عديت ...تي شن السامط هضا
اسيل : طارق سلف اختي بالعكس نحق فيه كويس بس يقولوا واعر
ملاك : مش واعر قليل اداب وغبي
اسيل : ههههه تكيتها معه قصدك
ملاك : هو يخبط فكرني نخاف المهم شن ناخذو معانا
اسيل : جبت افلوس بس مش عارفه نعطيها مبلغ او نجيبوا حاجة
ملاك : حتي انا مش عارف بس قلت تاخذو حلو نخشوا بيه ونمدوله مبلغ
اسيل : راي سمح خلاص تمام وخطرها كنك هك لبسه طاح سعدك
ملاك : كني نفس دبشي قبل
اسيل : وبلا مكياج
ملاك : وقفت علي الحلواني ....انزلي جيبي الحلوة احسن خوذي فلوس
اسيل : باهي هاتي .....نزلت للحلواني
ملاك : فجاة دق روشن السيارة برمة ولقيت امجد فتحت ....مجودي
امجد : شن اديري هنا وبسيارة مريومه
ملاك : الحاج عطاها ليا عشان بنعدي لصاحبتي ونستنا في صاحبتي في الحلواني عشان ماشيه معاها
امجد : وين تسكن هيا
ملاك : اختي ابراهيم صاحب احميدة في الهواري
امجد : تمام خلاص ردي بالك من روحك انا مستعجل اصحابي يستنوا فيا غير شفتك جيت نسال فيك
ملاك : تمام افطن لروحك
امجد : تم سلام توا
ملاك : بااي .....عدا امجد وجاءت اسيل
اسيل : افتحي الباب هيا
ملاك : فتحتلها ركبت وطلعنا شور الهواري .....انتي تعرفي حوشها
اسيل : ﻻ وانتي
ملاك : ههههههه ﻻيافالحة رني علي غادة ترا
اسيل : باهي ....رنيت علي غادة .....الو غدغد
غادة : ها اسوله شن صار معك وينك
اسيل : نحن في الهواري
غادة : انتي ومن
اسيل : ملوكه
غادة : نجيها ليا جت
ملاك : مش وقت هداريز ياحنه وين حوشكم اوصفيلي مكان نحن في الهواري وين بضبط انتي
غادة : حي عليا الوصف يدوخ باهي انتي وين قاعدة
ملاك : انا كيف خشيت الهواري انتي قولي وين جنب شن بالضبط
غادة : قعدت نوصفلها في الحوش
ملاك : قعدت نبرم لعند دخت .....تي دوختي امي نعنجد وجك خلاص فوتي ترا بنروح
