#مسارات_حياتنا_ستتغير
الحلقة 38
ملاك : فوتيها ولا تنقهري وﻻ شي خليك منها .
مريم : الصبر ياربي
ملاك : هيا ننزلوا عيب توا يقولن يهدارزن فوق
مريم : هيااا .....نزلت انا وملاك للخيمه قعمزنا مع صبايا وكل مرة حد جاي يعزي وشويه وحطينا العشاء تعشوا الناس ولمينا الماعين ودخناهن جوا ورديت جنب اهلي شويه وتخش ايناس
ايناس : السلام عليكم ...قابلتني منيرة سلمت عليها ...عظم الله اجرك
منيرة : اجري واجرك علي الله
مريم : بكل وقاحة جاية انتي
ايناس : مش عاجبك ماتتقبلي عزاء
منيرة : اختصري الكلام وبلاش فضايح قدام الناس
ايناس : قوليلها هيا انا جايه نعزي هيا طالقه لسانها
مريم : صكري فمك خيرلك راهو نةريك طلق اللسان شن
ايناس : منيرة تعالي وريني عربكم نعزيهن
منيرة: امشي قدامي
مريم : عدت هيا ومنيرة ...مبردها
ملاك : فوتيها توا تجي هنا تمد فسختها انا بنعدي جنب امي وعمتي تم
مريم : تم ....عدت ملاك قعدت شويه وخشيت نشوف في اعميمه
~~~~~~~~~~~~~~~~~~
ملاك : بعد جت ايناس صبيت من جنبهن عديت جنب امي فاطمة وعمتي وسلفاتي قعمزت ودازيت لوسيم رسالة " رن علي عمتي قول هيا توا " وصلته شويه ورن علي عمتي
وفاء : ايوا وسيم
وسيم : هيا امي
وفاء : هيا هي ،،،طوووط ...هيا يابنات
فاطمة : مازال بدري
وفاء : انتي عارفه وضع لبلاد بدري بدري نروحوا
فاطمة : عندك حق ربي يحفظكم
وفاء : ويحفظكم ياغالية هيابسلامة
اماني : بسلامة يااعميمه
فاطمة : بسلامه
ملاك : بسلامة ياامي
فاطمة : عدي ياامي ربي يفتحها في طريقك
ملاك : بوستها علي راسها ...كثريلي من دعواتك هذينا اللي نبيهن
فاطمة : ديما ندعيلك خلاص ياامي عدي خلاص عمتك تستنا
ملاك : سلام ....طلعت مع اعميمه طول حتي منيرة ومريم مادورتهن وطلعنا ركبنا لوراء انا وعمتي واماني وهيما يسوق ووسيم جنبه ...السلام عليكم
هما : وعليكم السلام ....ولعت وطلعنا
اماني : كنها اختك العروس ماجت سلمت يابتي
ملاك : برمت وجهي للروشن وفتتها
وفاء : اكيد مستعجله مسكينه عدت تعزي في عرب العزاء
اماني : كانت مسافرة وماتخش تسلم
هيما : ممكن ماشفتكن من زحمة
