#مسارات_حياتنا_ستتغير
الحلقة 18
ملاك : كنت مقعمزه رن الحاج بعدها امي فاطمه ومريومه ونوسه استغربت امي مني مارنتش رنيت عليها .....الو ها امي
مني : ها ياملوكه كيف حالك ياامي
ملاك : كويسه مصدعه منيرة بدوتي انتي كيف حالك توا
مني : الحمدلله ياامي بعد انتي تقعدي بخير
ملاك : انا كويسه كنك تعبانه انتي صوتك مش عاجبني شفتي الضغط
مني : اها كويس ياامي مافيا شي
ملاك : مريومه جنبك
مني : اها مريومه تبيك ملوكه
مريم : هالوكه
ملاك : مريومه ديري بالك من امي شن ضغطها
مريم : كويسه ماتنشغلش وكلنا هنا قاعدين واحميدة قاعد تريحي
ملاك : مريومه ردي بالك من ضغط عارفته انا ارتفع حكتلي منيرة بس افطنيلها في الليل باهي
مريم : حاضر توا نرقد جنبها ونفطن ماتنشغلش
ملاك : تم سلمي عليهم كلهم
مريم : حاضر سلام
ملاك : سلام ،،،،طووووط سكن نقالي رن كل مرة حد يرن ختمتها بشيماء بعد صكرت قلت نقفله جتني رسالة فيها.... (شن درتي فيا انا يالي مافي بنت حركة فيا شعره معك انتي نبض قلبي تغير ) .. في عقلي قيسه حد غلطان هههه نرد عليه زعما نقوله ياعماء تاكد من الرقم او نفوته والله خليني نكسد عليه دازيتله.... (ربي يشفيك قيسك عماء تاكد من الرقم ).... هههههه فجاة جتني رسالة من نفس الرقم ..... (انتي ملوكه و ملاكي ومن املاكي ياملوكتي ) ... صبيت جيت مقعمزه في عقلي حي ع امه هضا يعرفني زعما من تي هضا دلع رودي ليا
منيرة : كنت غافيه بحتث لقيت ملاك مقعمزه وتربش في نقال .....لوكه كنك ....صبيت قعمزت
ملاك : اها ﻻ شي بس كنت نربش في نقال
منيرة : كويسه انتي
ملاك : اها تريحي
منيرة : باهي ارقدي سادك
ملاك : تي اللي يسمعك يقول نتمعشق
منيرة : ههههه ان شاء الله ياحنه
ملاك : ارقدي ارقدي .....اتكيت بنرقد فجاة الدنيا شالت صوت انفجار قوي .....ياساتر
منيرة : وااااااك يانعلياااا ياباتي شن في
ملاك : اسكتي بس بلاش اعيااط ....صبيت نجري شور الروشن بحتث برا ...حي انفجار شكله
منيرة : يانعليااا اعياالي حي عليااا
ملاك : تي شورخ رقم 2 الانفجار قريب في حومة المستشفي شوفي قولي يانعليااا انا مش اعيالي
