#مسارات_حياتنا_ستتغير
الحلقة 43
ملاك : وسيم هيا
وسيم : باهي بنتريح ازح كيف فصلت من التوكه
ملاك : انت قلت توا نشيلك كان ماتبي خليني نعدي لهيما او حمادي يحطني وانت مولعلي هالنت
وسيم : ننقنك سكانه
ملاك : برمة وخشيت لدار وسيبته رن نقال وسيم نسمع فيه يحكي مع يوسف ...عليك قصة ....خذيت شنطتي وطلعت ....انا برا نستنا عندك 10 دقايق اطول نشوف حد يوصلني ايوا ...برمة بسرعة قبل مايرد صكرت الباب ونزلت انا نزله من الدوج وفجاة نسمع انفجار قوي برا وعياط وسيم في الشقة رديت طول قعدت نفتح في باب الحوش
هيما : كنت طالع وسمعت الانفجار برا كان انفجار قوي وبعدها نسمع وسيم يعيط فوق ركبت طول من الدروج لقيت ملاك تفتح في الباب ...كنه
ملاك : مش عارفه ...معش عرفت نفتح الباب
هيما : جيتها ...هاتي ...خذيت مفتاح وفتحت وخشينا نجرو
ملاك : لقيت وسيم مصبي ويربش في نقال ويلبس في جاكته العسكريه ....كنك تعيط
هيما : كنك شن في
وسيم : فروخ الحرام فجرو سيارة يوسف
ملاك : شن صارله يوسف
وسيم : كان فيها يونس
هيما : كييييف يونس انفجرت بيه السيارة
ملاك : حسيت كرعيا معش شالني قعمزت علي الكرسي
وسيم : اهاااا هو انفجرت بيه انا ماشي ...طلعت نجري
هيما : كنت بنطلع وراء فطنت لملاك مقعمزه ولبسه ....ملاك
ملاك : نعم
هيما : انتي كويسه
ملاك : اهااا
هيما : انتي طالعه او شن
ملاك : من الفجعه وموقف اللي داره وسيم طلع ومدورنش بكل وجعتني بعد هيما سالني انهرت نبكي
هيما : كنك بسم الله اهدي بس فجعك الغبي ...لقيت كاس امياه علي الطاولة خذيتها ومديته لها ...اشربي
ملاك : خذيته وشربت ...الحمدلله
هيما : كويسه توا
ملاك : اها صحيت
هيما : وين كنتي طالعه انتي
ملاك : بنعدي للعيادة
هيما : صبي هيا نشيلك
ملاك : اكيد طالع للشغل انت خليها مرة اخرة
هيما : ﻻﻻ صبي هيا نشيلك توا ونشوف هالمكلوب وين طلع
ملاك : باهي هيا ...صبيت طلعت مع هيما صادفت دودي وعمتي في الجنان ...دودي تعدي معايا للعيادة
