#مسارات_حياتنا_ستتغير
الحلقة 33
وسيم : كانت اليوم الفاتحة وبعد المغرب عزومة العشاء زحمة كانت وتعبنا بكل وبعد كملنا دازينا لاهل ملاك عشائهم وطلعت برا في سيارتي نرن عليها ركبت في الكرسي جنب السواق قعمزت ورنيت عليها .....الو لوكتي
ملاك : هلا ويسوو شكرا ع العشاء
وسيم : صحة شن عجبك
ملاك : اها يهبل بكل وانت تعشيت
وسيم : ﻻ والله كملتها دخان وقهوة وشاهي
ملاك : تي كنك ماكليت
وسيم : توا قلت لدودي تحطلي علي ماكلمتك
ملاك : اها
وسيم : بكرا راهو تنسي الصباح تجي للمحل عشان الفيلو
ملاك : ﻻ مش ناسيه ساعه 10 ونص نطلع من الحوش
وسيم : باهي حبيبي الدبش بتاعك امتي بتجيبوه
ملاك : انا كله واتي تمام بس الحق مش عارفه امتي بضبط بيشيلوه كلم واحد من شباب ياكدلك
وسيم : اول مرة ماتعرفش حاجة هههه
ملاك : هههه اصلا كل حد عطاني توقيت ريحت راسي معش سالت
وسيم : خلاص بكرا دبش وبعد بكرا تكوني عندي
ملاك : ان شاء الله انت شن ادير
وسيم : قاعد في سيارة برا الحوش مليان ماخذيتش راحتي طلعت برا
ملاك : اها اصلا صوت سيارات جنبك
وسيم : اها ديرين علي طريق احبال صالتوات عشان الجري بتاع سيارات
ملاك : اهااا باهي نحبك اناااا
وسيم : وانااا نعشقك ياقلبي ....كنت نحكي شفت سيارة معتمه جايه من بعيد تجري بسرعتها بعد وصلت قريب انفتح روشن الجهة اللي شوري طول صكرت الخط وسحبت اسلاحي من تحت الكرسي وفعلا قعدو يطلقوا في الرصاص علي سيارتي طلعت نجري من سيارة وعديت نجري اخر سيارة قعدت نطلق في رصاص عليهم عدت السيارة تجري ...نعنجد امكم ياكلاااااب تعالوووا
حمادي : سمعنا السلاح وفرينوات طلعت نجري مفجوع لقيت وسيم واقف جنب السيارة وماسك السلاح في يده .... شن في كنك
وسيم : فروخ الحرام حطوا عليا
حمادي : قصدك بيغتلوك وين عدووو وين
وسيم : يستر الله عدو
هيما : خشوا جوا بس راهو يردو
ريان (ولد خال ): خلينا نجيبوا اسلاحنا ونديرو حرسات
وسيم : مش لدرجة هيا خشوا بس هضوم تتوقع منهم كل شي
رامي : طلعت نجري ....كنكم شن في
حمادي : فروخ الكلب بغتالوو وسيم
