#مسارات_حياتنا_ستتغير
الحلقة 14
ملاك : وصلنا لاسيل وكانت دايرة جوا من الاخير كانت مازالت ماجت من الكوفيرة قعدنا نستنوا ودرنا جوا مع اهلها وخشت علينا اسوله ....هاااااي اسوله
اسيل : بعد خشيت لقيت ملوكه لبسه ومكياج وجو من الاخير طرت من الفرح من وفاة مراد معش شفتها هك حضنتها وقعدت نبوس فيها ......لوكتي تهبلي طالعه
ملاك : ههههه تي انتي العروس او انا عليك حالة درتنها
اسيل : عشان ليا زمان علي ملوكتي
ملاك : الحمدلله ترا ارفعي الخمار نشوفك
اسيل : رفعت الخمار وسلحت العباية
ملاك : ماشاء الله ربي يحفظك
غادة : ماشاء الله جيبي البخارة ياالاء
الاء(اخت اسيل) : هيا هي
ملاك : حي علي الحنة ماشاء الله طالعه
اسيل : سمحه قصدك
ملاك : تهبل
الاء : جبت البخارة وبخرتها ....خشي هيا العرب قريب يوصلوا
اسيل : هيا
ملاك : اقري المعوذات يااسوله وخشي
اسيل : نقرا في سري هيا هي....قريتهن بسرعة وخشيت سلمت وقعمزت
غادة : قعدنا نحوسوا مع اخت اسيل
ملاك : جوا العرب وجايبين دبش ماشاء الله وحاجات تهبل واسوله كان باين في عيونها الفرح مقعمزيت مهيجين علي المنظومة وجو من الاخير فجاة ندعب علينا طارق
غادة : يااااي ...سحبت العباية فوقي
ملاك : حيييي علي الكشفه
اسيل : ههههه مديتلها عبايتي....استري روحك
مﻻك : خذيتها لبستها ...كنهن مسكنه كرشن فيه حبه
اسيل : ههههه ماني عارفه
غادة : هههههههه حسيت ان زفته مش بيانه هو
ملاك : شوفي بس شن ندير ....عديت شورهم ....طارق الحمدلله علي السلامه تعرف والله ماسمعتها قلتلي امتي صار هالخبر ....سحبته من بينهن وهنا يسمعن ...اجررري لااسوله
طارق : ههههه صحة لكي والله انقذتيني
ملاك : تي انطلق بس
طارق : عديت شور اسيل كانت ماشاء الله تهبل سلمت عليها ....الف مبروك
اسيل : يبارك في عمرك
ملاك : تي قعمزو وانتم تقول في طابور مدرسة
طارق : صدقت فينا هههه قعمزي
اسيل : ههه ...قعمزت انا وطارق
