#مسارات_حياتنا_ستتغير
الحلقة 23
ملاك : قعدت انا وياها نقروا لعند رن نقال غادة
غادة : هضا وسيم ....الو ويسو
وسيم : دودي كيف حالك
غادة : تمام انت شن اخبارك
وسبم : تمام كيف وين امي نرن عليها ماتردش
غادة : نقالها في الحوش اصلا
وسيم : انتن وين ماله
غادة : عند اهل احميدة
وسيم : اها كنهم في حاجة
غادة : اها عندهم بيان ودفع بنتهم
وسيم : اي بنت
غادة : نوسه
وسيم : اهااا كيف حالهم كلهم
غادة : كلهم تمام ماعدا ملاك
وسيم : كنهااا ملاك شن في
غادة : ههه وسع بالك ماكنها شي بس من الامتحانات والتعب مسكينه مرهقه بكل
وسيم : اهاا هضا بس
غادة : اها خود اطمن عليها هااا ....مديتلها نقال
ملاك : كنك
غادة : يبيك وسيم
ملاك : خذيت نقال ....الو
وسيم : اوووو ملوكتي
ملاك : اهلا كيف حالك
وسيم : تمام انتي كنك قالت غادة انك مرهقه
ملاك : اها لا كويسه بس ارهاق من الجري و الامتحانات...فجاة وانا نحكي
اميرة : يالوكه تعالي لحقي جاك عريس
ملاك : شن تخرطي انتي
اميرة : هههه والله جد مروان جايبلك عريس طالبك شخصيا قاعد يحكي لماما عليه
ملاك : امبااه مش فضيتلهم قوليلهم
اميرة : تم ...طلعت
غادة : قصدك مروان جد جايبلك عريس
ملاك : فوتي، ايوا وسيم
وسيم : من هضا اللي جايبه مروان
ملاك : مش عارفه
وسيم : تمام انتي شن رايك
ملاك : في شن
وسيم : العريس
ملاك : تي موضوع توا سمعته كيف ماانت سمعته
وسيم : باهي انتي شن رايك
ملاك : كنك انت قلتلك كيف سمعت تسال فيا شن رايك
وسيم : انتي بتزوجي
ملاك : بنقعد عانس
وسيم : نحكي جد انا
ملاك : وانا نحكي جد من بيقبل يتزوج واحدة زيي هااا هضا اكيد مروان جايبه
