#مسارات_حياتنا_ستتغير
الحلقة 7
هيما : حس العرب وصلوا
سليمان : هيا نعدو نستقبلوهم
وسيم : هيا
هيما : عدينا طول شورهم كانت مزرعتهم لصقه فينا الحاج وباتي مابوش يديرو صور بحكم علاقة بينا قوية وزادت بعد صحبتي مع احميدة جينهم وقعدنا نسلموا ونرحبوا بيهم بس لحظت انهم مش كلهم جايين ....كيف وين باقي العيلة
احمد : مروان مسافر
هيما : اها وامجد
احمد : امجد جاي مع باقي العيله مريم وبنت عمي و
الحاج : يااحمد رن شوف خوك طول
احمد : اكيد ملاك عطلتهم
هيما : في عقلي قلت وين مش باينه ام لسان هذي
احمد : توا نشوفهم هيا
سليمان : ياحاج الاستراحة واتيه تفضلوه والمزرعة كلها علي حسابكم
الحاج : بارك الله فيك ياخيي والله ماقصرت
سليمان : بين الخوت مافش شكر واي شي نحن قاعدين هيا خودو راحتكم هيا ياعيال
هيما : احميدة اي شي دورني تم
احمد : تم صحيت ياباشا
هيما : هيا اوكي ......طلعنا عدينا شور الحوش حطيت باتي في حوشه هو ووسيم وانا رديت شور حوشي فجاة .... نسمع في صوت تبييب برمة لقيته امجد جاي شور الاستراحة قعدت نتفرج عليهم قهدو ينزلوا من السيارة فجاة امجد يطلع يجري ونفتح الباب اللي وراء وطلعت ام لسان وعدت تجري وراء امجد وهو يضحك نسجمت الحق لعند
اماني : شن ادير هنا
هيما : اهااا ﻻ شي بس كنا نشوفوا في اهل احميدة جايين للاستراحة
اماني : اها باهي تعال افطر
هيما : هيا تم ....خشيت جوا للحوش
~~~~~~~~~~~~~~~~~
ملاك : بعد وصلنا الغبي امجد كب عليا امياه وهرب يجري من سيارة لحقته وريته بعدها فطرنا وقعدنا حايسين لعند الغذاء تغذيت وخشيت رقدت نضت قبل المغرب لحقت علي العصر وجيت علي المطبخ لقيت مريومه وشيماء يدين في قهوة ....احسبيني
مريم : صح النوم
ملاك : سلمك
مريم : تشربي برا معانا او شن
ملاك : ﻻﻻ عطيني مق بتاعي وتوكلي
شيماء : كنك مكسدين برا كلنا قدام الاستراحة
ملاك : فكيني من صداع
مريم : خوذي ها
ملاك : صحيتي ....خذيتها وطلعت من الباب الخلفي قعدت نمشي ونربش في نقال ونشرب لعند وقفت علي صوت
