#مسارات_حياتنا_ستتغير
الحلقة 27
ملاك : خش حمادي وكان طالع ماشاء الله عليه ودار جو هو والعروس ورقصوا مع بعضهم وصورو وغيرو دبل وطلعوا وكان فرح راقي بكل ماشاء الله من كل النواحي
منيرة : هيا يابنات احميدة وامجد برا
غادة : هيا اطلعن خلاص اخر دفعة يابنات
روان : هيا انا نسبقكن
غادة : لوكه توا نرن عليك بعدين نبيك
ملاك : تم ....طلعنا برا قدام القاعة كلنا عشان بيصكرو خلاص صبينا نستنوا في السيارة تقرب فطنت بسيارة وسيم وقف ركبت بنت خالته روان قدام وهو يضحك وغادة وباقي بنات لوراء ركبن
منيرة : جاء احميدة طلعت السيارة وسيم قدم وهو وقف قدامنا نزلنا بيش نركبوا فجاااة
شيماء : ملااااك
مني : يانعليااا كنها بسم الله ...طبست عليها
منيرة : برمة طول وراي لقيتها طايحه علي ركبيها وفي يدي مراد ...نوووسه ساعدي اختك يابلاء
احمد : شفتها طاحت نزلت نجري من سيارة جيتها طبست عليها ....كنك ملوكه بسم الله
فاطمة : اكيد هبوط ارفعها بسرعة
هيما : جيتهم نجري كنكم شن في من طاح
مني : ملاك
احمد : حولن بس صبي هيا ...مسكتها سندتها
ملاك : عندش جهد راهو
هيما : ارفعها يااحميدة راهو ادوخ
امجد : وصلت لقيتهم معششين قدام الباب نزلت لقيت احميدة رفع ملاك ....كنها شن في
احمد : طاحت ماعندهش جهد روح بامي فاطمة ومني وانا نطلع انا والبنات شور مستشفي تم ...حطيتها من قدام في سيارة وصكرتها
امجد : تم خودها وانا توا نروح بيهن
هيما : ماتعبش روحك توا نشيل انا اهلك مع امجد وخودها هيا وواحدة من خواتك للعيادة بس
احمد : صحيت هيا منيرة معناها
منيرة : اميرة هاكي رودي وافطنن للعيال امجد الله يربحك افطنلهم للباب سيارة
امجد : تم توكلي
منيرة : ركبت مع احمد وطلعنا طول شور العيادة
احمد : لها كم يوم مش عاجبتني
منيرة : امي قالت ماتكلش ومكملتها نوم وخلاص
احمد : كنها لوكه شن حاسه روحك تسمعي فيا
ملاك : اه
منيرة : صدقني هبوط شكله
احمد : اهووو وصلنا .....نزلت بسرعة فتحت رفعتها وخشينا نجرو جوا
