#مسارات_حياتنا_ستتغير
الحلقة 45
ملاك : كنت متعقدة بكل صبيت وقلت ....تصبحوا علي خير ...وبرمة وعدت شور حوشي ركبت الدروج وخشيت صكرت الحوش وجيت قعمزت علي الصالون وقعدت نبكي خلاااص معش نقدر نتحمل وسيم في خطر قاعد وسط الضرب في اي وقت نخسره صبيت خشيت وتوضيت وجيت صليت ركعتين لله وقعدت ندي ربي يحفظ وسيم ويرده ليا طيب انا صبيت ورن نقالي خذيته لقيته وسيم .....ها وسيم
وسيم : ملوكه انتي كويسه توا
ملاك : اها مشغوله عليك وسيم رد بالك من روحك
وسيم : حاضر خذيتي دواك
ملاك : مازال توا ناخذه
وسيم : ماتعشيتش يعني
ملاك : ﻻ كنت ندير فيه ونزلت ناخذ في خبزه سمعنا الدلف وتوا صوته عندك ضرب قوي ياوسيم
وسيم : ماتنشغلش وردي بالك من روحك ومن صحتك انا مانقدرش نروح ملاك ماتشغلنش عليك وعلي اعيالك امشي بنصائح دكتور وافطني لروحك باهي
ملاك : حاضر
وسيم : نبيك تعرفي شي انا نحبك ونموت فيك ردي بالك من روحك ومن اعيالك بعد نحصل فرصة نجيك
ملاك : وانا نمووت بدونك وسيم عشان خاطري روح انا مانقدرش نتحمل غيابك مانقدرش نعيش بروحي ،،طوووط ....فصل الخط حطيت النقال وقعدت نبكي ضاقت بيا الدنيا طلعت في البركوني ....يااارب يارب احفظ وسيم من شرهم يارب استودعتك وسيم وجماعته يارب احفظهم واحرسهم وارعاهم برعايتك يارب ...خشيت قعدت غير نبرم ونرن علي اهلي وكل مرة حد يسال عليا قعدت مقعمزه لعند الصباح وانا في حالة دق الباب بتاع حوشي ساعة 8 الصباح طلعت فتحت لقيته حمادي ....صباح الخير
حمادي : صباح النور شكلك مارقدتش
ملاك : حتي انت مارقدتش شكلك
حمادي : معناها تعالي برا في الجنان مدلع روحي داير فطور وعازمك شن رايك
ملاك : هيا بس حطيت قهوة
حمادي : مش ممنوعه عليك
ملاك : ههههه ﻻﻻ
حمادي : انا بنسبقك معناها....نزلت قبلها
ملاك : رديت خذيت جاكتي الطويله والواسعه لبستها وخذيت نقال وطلعت نزلت من الدروج تصادفت مع اماني وهيما ...صباح الخير
هما : صباح النور
ملاك : وين ماشيين ان شاء الله خير
هيما : طلعت سبقتها
اماني : راسي وتعبانه بنعدي للعيادة
ملاك : تي قولي ملاك ماقلتلي حامل حتطلعي بس نبي حلوانا سمح
اماني : ان شاء الله ..في عقلي مستحيل
ملاك : هيا طلعت انا وياها شور الجنان
