#مسارات_حياتنا_ستتغير
الحلقة 17
ملاك : من خبطتي معش فطنت بشي لعند فتحت عيوني لقيت روحي في دار نبي نبرم راسي حسيت راسي ثقيل ... اااه
الممرضة : ملاك بحتي فيا
ملاك : راااسي
الممرضة : الحمدلله علي سلامتك توا نعطيك مسكن ....جيت للتغذية حطيتلها فيها مسكن عدلتها لها
ملاك : من جابني هنا
الممرضة : اهلك كلهم برا توا نطلع نخبرهم انك نضتي
ملاك : اه .....قعدت شويه وخش عليا الحاج وامي واحمد وامجد وقعد الباب مفتوح
احمد : هيما خش انت ووسيم
هيما : السلام عليكم
وسيم : طول خشيت وبحتث فيها كان وجهه اصفر وعيونها دابله ...الحمدلله ع سلامتك
ملاك : الله يسلمك
الحاج : كيف حالك يابنيتي
ملاك : كويسه ماتنشغلش
مني : ملوكه متاكدة انتي كويسه تحسي في حاجة ياامي
ملاك : كانن عيون امي حمر بكل عرفتها كانت تبكي ...مديت يدي ومسكت يدها ....تي ماتخافيش قاعدتلك انا ومشاكلي علي قلبك هههه
مني : اقعدي انتي ابنيتي والله مهما اديري ماني كارهتك
ملاك : راهو عندي اربع شهود علي كلامك ههه
الحاج : واكيد انا اولهم هههه
ملاك : ايواا
احمد : كيف حالك ياهبله
ملاك : من كثر ماتقولوا هبله قبل العقل عدا من الخبطه هههه
امجد : هههههه ﻻ انا دخيلتك خليك بعقلك لعند نتم فرحي
ملاك : خزززي طاير علي شيماء
الحاج : ملااااك تحشمي
ملاك : والله نسيتك هههه
كلهم : هههههههه
امجد : شن راسك
ملاك : كويس وين عدا الغبي خوك
احمد : فوتيه مازال احسابه عندنا بعد تطمنا عليك
ملاك : بحتث في الحاج ....والله ماغلطت في شي انا مادرت شي
هيما : وانا ناكد علي شي هضا بس مراتي فهمت غلط وانا مستعد نتكمل مسؤوليه علي كل شي صار
امجد : حسيت وجه ملاك تغير من كلام هيما وعينها عدت جهة وسيم ووسيم يبحث فيها ....خلاص سكرو علي الموضوع هضا خلوها تتريح وبعدين نحكوا فيه
هيما : تم خلاص نخلوها تتريح وبعدين نتفاهموا هيا وسيم
وسيم : كنت نبحث فيها وحسيت ان كلام هيما ماعجبهش عشان ماكنتش تبحث فيه مافطنت الا علي خبطت هيما بحت فيه
