#مسارات_حياتنا_ستتغير
الجزء التاني من الحلقة 18
بعد مرور ايام
ملاك : اليوم عندنا فاتحة وعزومة رجالة وماصار شي من بيان نوسه عشان الحاج قال مانلحقوا الاسبوع الاخر يديروه لها نضنا من الصباح حايسين في الجنان مانطينا الا علي هرحة برا قدام الحوش ...حي شن في
احمد : خشن جوا ....طلعت نجري
ملاك : تي سيارتي برا
امجد : خشيت نجري من برا
احمد : شن في
امجد : خشوا جوا اسلاح بيفرغوا
احمد ::سحبت ملاك وخشينا جوا للمربوعه
امجد : وبدا تفريغ وضرب .....نعنجد اصلهم
احمد : من متعاركين
امجد : اعيال الحاج مؤمن مع واحدين
ملاك : عليك قصة مالقوش الا اليوم يديرو طحنه اجلوها لعند بعد فرح
امجد : بحتث فيها وضحكت ...هههههه
ملاك : كنك تضحك
امجد : تقول فرحك انتي زعلانه
ملاك : فوووتني ترا ....برمة بنخش
احمد : عديتي داويتي راسك
ملاك : كنت بنعدي توا
احمد : حسها هفتت
امجد : توا نطلع نشوف ونجي
احمد : تم
ملاك : نخش نشوفهن جوا قلبن الدنيا عياط ههه
احمد : خشي هيا ...طلعت برا مع امجد
ملاك : خشيت جوا قلتلهن طحنه شوي وكلمني احميدة قالي اطلعي طلعت بسرعة ركبت سيارتي وعديت طلعت من طريق المعسكر وانا ماشيه هدت عليا سيارة بتاع جيش مسكت فرينوا رقتلي كانت معتمه فتحت الباب ونزلت بنعدي شور السيارة بس تفجاة بعد نزل الروشن لقيته السنكوح رجب صاحب وسيم وخرت ورايش طول
رجب : وين وين ...فتحت ونزلت
ملاك : جيت طول شور السيارة فتحت بنركب
رجب : استني نحكي معك انا
ملاك : ركبت في سيارة وسكرت الباب
رجب : جيت قعدت ندق علي الروشن ....افتحي
ملاك : اشرتله من جوا بمعني احكي شن تبي من برا
رجب : كنك افتحي بس
ملاك : فاته طلعت نقال ورنيت علي وسيم طول قعد يرن شويه وفتح الخط ...وسيم .
وسيم : ايوا
ملاك : رجب ياوسيم صاحبك طلع قدامي وقاعد يخبط علي الروشن
