#مسارات_حياتنا_ستتغير
الحلقة 40
وسيم : بعد توكه 3 ايام طلعت بنروح ومشغول من امس ملاك نرن تحكي معايا بس صوتها مش عجبني كلمت اهلي قالوا مافيها شي بس قلبي حاسسني ان في شي مش طبيعي صوتها روحت حطني يوسف وعدا وجيت لقيت اهلي مش قاعدين عديت شور حوشي نسمع في صوت دودي في حوش هيما مدققتش ركبت طول للحوش فتحت وخشيت .....ملاك لوووكتي وينك اووووي لوكه وينك ....قعدت ندور خشيت لدار النوم مالقيتهش بحتث جنب السرير ونشوف علي كمدينه حبوب حارة ومقياس ومناديل ....ملااااك وينك ملاااك
ملاك : كنت في الحمام سمعته ينادي طلعت ...هنا وسيم
وسيم : جيتها بسرعة ...كنك شن هضا انتي مريضه او شن
ملاك : ماتخااافش كووويسه
وسيم : تعالي قعمزي ....مسكتها وشلتها للسرير
ملاك : طول رقدت سحبت الغطاء عليا
وسيم : طبست عليها ...حبيبي كنك شن تحسي فهميني ...حطيت يدي علي راسها لقيتها نااار ...تي حرارة انتي
غادة : مانحساب وسيم قاعد خشيت للحوش وطول جيت لدار لقيته ....وسيم انت جيت
وسيم : كنها شن تحس
غادة : شكله برد ومابتش تعدي تعاين قد مادرنا فيها مابتش
وسيم : من امتي ياملاك
ملاك : مافيا شي
غادة : لعند مبكري شوي جاء هيما قد ماقاللها هيا نعدو للعيادة مابت تعدي
وسيم : عدي قوليله ولع سيارة وانتي صبي تي يانعنجد قاعدة هك مريضه ياملاك صبي هيا
ملاك : نبش نعدي
وسيم : دودي عدي قولي لهيما بسرعة
غادة : تم ....طلعت نجري
وسيم : سحبت الغطاء من عليها ...صبي هيا
ملاك : مانبش ياوسيم خليني راقدة
وسيم : تي صبي شن نخليك راقدة كنك انتي ...عديت طلعت دبشها من الدولاب وجيتها صبيتها
ملاك : حوول توا نغير بروحي
وسيم : غير صبي بس انتي مش قادرة تقعمزي مش تلبسي جيت صكرت الدار بالمفتاح وساعدتها تقعمز وقعدت نساعد فيها تلبس
ملاك : ساعدني لبست وطول رقدت علي سرير
وسيم : خليتها وخذيت سروال بتاعي وتيشرت وخشيت بسرعه دوشت سريع ولبست وطلعت خذيت الفلوس من الدولاب وفتحت الدار ...ملاك ملاك
ملاك : هااا
وسيم : هيا صبي
ملاك : ارفعلي شعري
وسيم : جيت للدرج طلعت مساكة يستك شعر ولفيته لها فوق كعكه وربطته ...صبي هيا ...مسكتها ساعدتها وسندتها وطلعت بيها من الشقة تصادفت مع غادة
