#مسارات_حياتنا_ستتغير
الحلقة 44
وسيم : علاج شن
ملاك : حطيت الحاجات في صفرة وجيت بنطلع ....عطاته ليا الدكتورة مبكري
وسيم : اهااا
ملاك : عديت شور دار النوم وخشيت في السرير
وسيم : لحقتها .....مبكري نرن نسال فيك وينك تعدي تصكري في وجي صار
ملاك : قلتلك في طريق وصكرت
وسيم : من قالك صكري طول هااا
ملاك : شوف روحك كيف كنت تحكي وبعدين مش بروحي في سيارة وانت صوتك عالي كلها تسمعك
وسيم : خليهم يسمعوا انتي ليش تصكري هااا شن دخل امهم هما
ملاك : احكي كويس علي اهلي وانت راقيلك هما مادخلهمش بعدين بدل ماقاعد تحقق معايا ليش نصكر نقال اسال شن صار معك في عيادة
وسيم : شن بتعلميني علي شن نحكي
ملاك : ﻻ نذكر فيك ان في موضوع اهم من ان ليش تصكري خط
وسيم : اصلا انا طلعت خليتك في خاربك شن يشيل فيك للعيادة
ملاك : حطيت الصفرة وصبيت بنجيب الدواء من الدولاب ....عادي هيما سالني وين ماشيه كنت وقلتله عيادة قالي نوصلك قلتله حتي بكرا هو حلف عديت معه انا ودودي عادي شن مشكله ...صبيت نطلع في الدواء
وسيم : والله بدون ماتشاوري
ملاك : برمة عليه طول ....مع هيما عديت شن فيها من مشكلة
وسيم : تشاوريني حتي لو بتطلعي مع خوك زي كلبه تشاوريني تسمعي
ملاك : احترم روحك وسيم
وسيم : مش محترم روحي شن بديري
ملاك : اقعد فيها.... خليته وجيت بنطلع
وسيم : هيا بتطلع ونمسكها من طرف اللي لبسته ونكرها بقوتي
ملاك : بعد كرني فجاة فقدت توازني وتزلحقت كراعي
وسيم : من كرتي لها بقوة فجاة تزلحقت قبل طاحت لحقت عليها مسكتها ...شن صارلك ملاك
ملاك : ااه ...صبيت ...حول غاادي ترا حووول ...دفيته
وسيم : قبل طحتي كنك ادفي
ملاك : انت اللي كنك قبل طيحتني ياوسيم كنك انجنيت حووول غادي انا حنسيبلك الحوش بكل اقعد فيه بروحك وانت تنابش بدير عركه وخلاص ....رديت خديت بلوزه طويله لبستها وطلعت استرتش اسود لبسته من تحت وصبيت خذيت علاج عزقته في شنطة وجيت بنطلع
وسيم : تي وين ماشيه تعالي هنا
ملاك : حول من قدااامي بننتلف لاهلي ترا حول خطااني راهو مزطتني
وسيم : لمي فمك وخشي مازلت نحكي
ملاك : رقتلي من اسلوبه اول مرة هك يحكي وسيم ويتعامل معايا معش حقيت شي قدامي قعدت نعارك ونعلي في صوتي عليه ....حووول من قدامي ولم روحك شن تحسابني مهزبه وبلا كرامه حل ترا انا مش عبدة عندك ترا حول راهو مزطتني وكرهتني اليوم الاسود هضا شن درت انا هااا شن درت عشان متعقد ماهو كان انت تهتم راهو بعد بلغوك برمة اطمنت عليا فجعتني وعديت وسيبتني تي حتي الموعد العيادة اللي عديتله ماسالتني شن قالتلك مادورتني بكل الا علي جيتي للعزاء قعدت تحقق معايا تريح باتي رباني ونعرف الواجب انا واهلي ونعرف فقدت الانسان والموت الوحيدة اللي مستحيل نغيب عليها تسمع فياااا يااستاذ
