#مسارات_حياتنا_ستتغير
الحلقة 35
وسيم : بعد خبرتني غادة رنيت علي باسط ومحمد عزيتهم واعتذرت منهم وشغلتتي ملاك لبست بسرعة طلعت مع الشباب من حوش صاحبي لبست فيه
يوسف : هدي اعصابك كنك متوثر
وسيم : شاغلتتي ملاك خايف تسمع
يوسف : ان شاء الله خير بس ارخي اعصابك وتوكل علي الله
وسيم : ونعم بالله يااارب
يوسف : هيا شباب تعالوا نصورو قبل مانفقدو صاحبنا معش نحقوه من الزواج
شاب : زيك قصدك ههه
وسيم : هههه سرقتها من فمي
يوسف : عليك حناطه ههه
وسيم : صورت معاهم كم منظر وطلعنا تاكسيات وجوا كانت زحمه ودنيا استيقافات بس عشان فرح يخلوا فينا نطعوا بدون تفتيش لعند طحنا في استيقاف قال هاتوا اوراقكم هنا كلنا بحتنا في بعضنا
يوسف : ياخونا والله نحن جايين فرح زفة رفيقنا ومستعجلين مش غابي انت الاهل يستنوا طلعنا بلا اوراق وماشيين للقاعة زفة
الراجل : اي قاعة
يوسف : استغربت سؤاله قلت اكيد عارفين فرح عسكري طول رديت ......في قاعة ال ........
الراجل : اها الف مبروك توكلوا معناها
يوسف : صحيت بكل ....امشي هيا
وسيم : طلعنا طول
يوسف : امشي من الطريق الاخرة الكلاب عارفين فرحك هنا
وسيم : هضا بيش يسال اي قاعة اعيال الكلب
الشاب : فووت خلاص
وسيم : عدينا من الطريق التانيه وخشينا للقاعة لقيت اهلي وخوت ملاك برا نزلت سلمت عليهم وخشيت للقاعة لقيت دودي ....اووو ياقمر
غادة : ويسووو ...جيت حضنتها وسلمت عليه ....مبروك ياغلايا ربي يسعدك
وسيم : يبارك فيك شن الجو
غادة : تمام بس اسمع مطولش جوا ملاك تسال علي اهلها كذبت عليها
وسيم : تمام
وفاء : لوووولووولووولي....مبروك ياحبيبي ربي يسعدك
وسيم : حضنتها ....يبارك فيك ياالغالية
روان : لوووولووولي ....مبروك ياوسيم
وسيم : يبارك فيك
غادة : هيا اهي جت المصوراتيه
المصورة : هيا شن تخش
وسيم : تمام هيا
المصورة : امشي بشويه انت عارف نصورو فيديو ولم نرفع يدي وقف نصور
أنت تقرأ
مسارات حياتنا تتغير (منقوله )
Roman d'amourروايه باللهجه الليبية منقووووووووووووله (مكتملة )
