#مسارات_حياتنا_ستتغير
الجزء الاول من الحلقة 46 والاخيرة
وسيم : عدينا للدفينة وروحنا حطوا الغذاء قلت لامجد يكلم ملاك نبيها قعدت نستنا وراء الحوش شويه وجت
ملاك : وسيم
وسيم : جيتها ....مازالت كراعك
ملاك : اها تغذيت انت
وسيم : اها انتي تغذيتي
ملاك : اها ....قعمزت علي الدروج
وسيم : طبست قدامها ....معقوله ياملاك هك رايحه
ملاك : كيف تبي نقعد
وسيم : مش قلتلك ردي بالك من روحك
ملاك : قعدت نبكي
وسيم : ليش تبكي حبيبي
ملاك : تعبت انا قديش مني بس ليش مكتوبلي نتعب نبيك جنبي كل مرة متغيرة حياتي في مسار كل مرة هم وامتحان جديد لخسارة انسان نحبه
وسيم : ااااه ياملاك لو خطر عليا ان حياتي تنقلب هك ماكنتش عذبتك معايا والله ماتستاهلي
ملاك : قهرني كلامه ....لو بعد كل شي عشته وخيروني نمر بنفس الحياة هذي وتكون معايا كنت اخترتك انت بكل شي فيك ....صبيت
وسيم : حسيتها زعلت من كلامي ....وين
ملاك : بنخش ...برمة عطيته ظهري
وسيم : انا مرايف عليك
ملاك : وانا متت من الرياف عليك بس
وسيم : بس شن ملاك كملي ...برمة لقيتها تتعصر ووجه احمر ......كنك ملاااك
ملاك : اااه وسيم كلم منيرة خلاااص بينزل ووواااو اااه
وسيم : شن بينزل احكككي
ملاك : العيييييل وكلم منيرررة وووااااك
وسيم : منيرررة ...قدمت جوا شور المطبخ ...منيرة
ندي : نعم وسيم
وسيم : ندي ملاك شكلها مريضة تبي منيرة وينها
ندي : توا نكلمها هيااا
ملاك : وووواااك يااانعليااا
وسيم : طلعت نجري ....شن نديرلك قوليلي مش مازال موعدك
ملاك : اها اسبوع جاي عمليتي ااه
منيرة : كنك بسم الله
ملاك : حاسه العيل بينزل اااه
منيرة : هيااا هي ....خشيت نجري
ملاك : يانعليااا يااامي ياااارب كون معاياااا اااه
وسيم : حبيبي شن نديرلك قولي
ملاك : اااه يانعليااا
وسيم : مسكتها من يدها ...ربي يسهل عليك .
