#مسارات_حياتنا_ستتغير
الحلقة 11
وسيم : وقف الضرب واتفقوا وحلوا المشكلة وحكينا للجماعة علي رجب وطبعا هرب ونحن نشغلنا في معسكر بعدها الناس قعدت ترد للمنطقة ودارونا اجتماع وقالونا ردو نظام توكات سيبنا جماعة التوكه وطلعنا
يوسف : ياطير قبل مانحطك عدي شور العيادة ناخذ المدام مافيا ماتشحورت اخرة
وسيم : تم ......عديت شور العيادة ووقفت
يوسف : انزل هيا
وسيم : تي جيبها وتعال
يوسف : غير انزل هيا مازاللها شويه وتفصل نستنوا جوا
وسيم : باهي ياسكان ....طفيت السيارة ونزلت ....خشينا جوا
يوسف : اهوا قسم بتاعها
وسيم : قعمز هنا الناس تستنا قاعدة غادي
يوسف : تم ...قعمزت انا ووسيم
وسيم : قعمزنا قعدنا نهدارزو والشباب كل مرة يحكوا علي الضرب اللي صار وعرفونا من اللبسه ان مع صاعقة وقعدنا نهدارزو لعند قطع هدرزتي صوت
ملاك : السلام عليكم
الممرضة : وعليكم السلام
منيرة : عندنا حجز عند الدكتورة سعاد ال......
الممرضة : باسم من
ملاك : ملاك محمود ال....
الممرضة : تمام تفضلي الورقة بتاع الحجز
منيرة : شكرا ...عدينا شور الغرفة
وسيم : فعلا لقيتها ملاك واختها خشن شور الانتظار
يوسف : بسبس كنك في شن تبحث
وسيم : هااا ﻻ شي
يوسف : باهي صار قعدنا ندسوا علي بعضنا...وغمزتله بعيني
وسيم : شن ندسوا
يوسف : ملاك ياطير
وسيم : اي ملاك
يوسف : ههههههه ﻻ رسمي انت داس عليا وتستعبط
وسيم : تي احكي طوول بدون طروح
يوسف : مش اللي خشت ملاك اللي طلعناها امبكري ام لسان
وسيم : ﻻ مش هيا
يوسف : تمام ....صبيت
وسيم : كنك
يوسف : بنعدي للبنت نسالها هيا او ﻻ
وسيم : تي قعمز بلا اهبال
يوسف : ﻻﻻ بنتاكد عشان انا متاكد ان ملاك
وسيم : تي قعمز نعنجد وجهك اها هيا تريحت
يوسف : قعمزت ...هههههه وكنك داسها عليا ياكلب
