#مسارات_حياتنا_ستتغير
الجزء التاني من الحلقة 12
غادة : ليا ايام علي ملاك حتي للجامعة ماجتش عديت لاستراحة قالتلي مريم عند منيرة قاعدة من يومين وومشكلة نرن علي نقالها مقفل قاعد طلعت برا في الجنان وانا رقيلي
حمادي : كنك قالبه وجهك
غادة : شي
حمادي : وراس دودي كنك جوك ليا كم يوم مش عاجبني وماطلعتي بكل الا للجامعة كنك
غادة : مشغوله علي ملوكه
حمادي : كنها
غادة : ليا كم يوم ماشفتها وحتي للجامعة ماتعدي سالت عليها اهلها قالولي عند منيرة اختها
حمادي : باهي شن مشكلة رني عليها
غادة : اووووف مقفل ماهو
حمادي : باهي صبي نشيلك لحوش اختها مش قصة
غادة : جد والله
حمادي : اها صبي تعرفي الحوش انتي
غادة : ﻻ والله
حمادي : مش مشكلة توا نسال احميدة او امجد هيا بس
غادة : باهي 5 بس نبدل دبشي
حمادي : تم انا برا هيا مطولش بس
غادة : تم .....خشيت بسرعة بدلت دبشي وطلعت بسرعة لقيت وسيم وهيما خاشين طبعا من مشكة ملاك معش نحكي مع هيما وسيم وقف وهيما خش
وسيم : علي فين ياحسين
غادة : بنعدي لملاك عند اختها قاعدة
وسيم : اهاا كنها
غادة : مش عارفه ليا ايام عليها ونقال مقفل
وسيم : اها بيشيلك حمادي يعرف الحوش
غادة : اها
وسيم : تمام
غادة : هيا اوكي ....عديت نجري ركبت وطلعت انا وحمادي خذاء الوصف من امجد وعدينا شور الحوش حطني حمادي دقيت وفتح سلف اختها وركبت لحوش منيرة دقيت فتحت منيرة ....خير
منيرة : اهلين غادة انستي الحوش
غادة : تسلمي سامحيني جيتك بدون مانرن
منيرة : عيب ياهبله مش برانيه انتي تفضلي
غادة : يزيد فضلك وين ملوكه
منيرة : في دار خشيلها مابتش تنوض
غادة : ههههه تنباله
منيرة : خشيلها واعيها خميرة هههه
غادة : هههه تم .....عديت لدار فتحت ولعت الضي فجاة تجي المخدة في وجهي
ملاك : ههههه رايفت عليك ياحمارة
