The Alexandros Series: MY HEART REMEMBERS (REVAMPED VERSION)

CHAPTER 003 - The Trio

"LUNA!!!"

Napalingon si Luna nang marinig ang pagtawag na iyon mula sa kaniyang likuran. It was Dani, her gay classmate. Kaba-baba lang nito sa sasakyang naghatid dito sa school at mabilis na humabol sa kaniya.

Dani is short for 'Danilo', and he was one of the richest students in CSC. Noong makilala niya ito sa unang araw ng klase ay iba ang naging impresyon niya rito. She thought they wouldn't get along, but eventually, they did.

Sinabi sa kaniya ni Dani na kaya siya nito kinaibigan ay dahil naniniwala ito sa kasabihang 'maging malapit sa mga kaibigan, pero mas lalo sa kaaway'. And Dani, at first, considered her as a competitor. Kalaunan ay naging malapit sila, at ang kanilang pagkakaibigan ay lumalim.

Dani was actually the sweetest. Mabait ito at maraming kaibigan sa CSC dahil na rin sa personalidad nito.

"You're early today," ani Dani nang makalapit. And as usual, puno na naman ng makeup ang mukha. He was actually a handsome man, pero sasakalin siya ni Dani kapag sinabi niya iyon rito. Ayaw na ayaw itong ina-address na lalaki. At nagsabi itong kapag nagkaroon na ito ng trabaho at nakaalis na sa poder ng mga magulang ay magta-transition na ito sa pagkababae.

Sa ngayon ay masaya ito sa kung ano ang mayroon ito. And Dani enjoyed it when people called her the CSC's Freddie Mercury. Because... why not? She spoke and acted like the famous British band's vocalist. Ang paraan ng pananalita nito at pilantik ng mga kamay ay tila si Freddie Mercury, and everyone loved her.

"Morning, Dani," bati niya rito.

"Maaga kang nagising?" tanong nito bago dinukot ang compact mirror mula sa suot na pants upang i-check ang sarili.

"Yep. Ngayon ang araw ng registration para sa mga school clubs, and I don't want to be late."

"What club are you choosing?"

"Sports Club. And you?"

"Probably the Drama Club. Gusto kong ilabas ang pagka-bruha ko kaya doon ako nababagay."

She chuckled and nodded her head. "I agree. You are the dramatic queen so you should be joining that club. You have my full support."

"Loka ka." Inirapan siya nito na lalo lang niyang ikina-tawa.

Ibinalik ni Dani ang tingin sa salamin, at mula sa repleksiyon doon ay nakita nito sa likuran si Kaki.

"Oh, there's Kaki!"

Lumingon sila at hinintay na makalapit si Kaki na lakad-takbong lumapit.

Tulad ng inasahan niya, Kaki was easy to get along with. Mabait pero seryoso masyado sa buhay. She was smart to the point where their classmates would call her nerdy. May suot itong salamin na may makapal na frame at ang buhok ay laging naka-messy bun. Dani called herself Pretty Betty La Fea.

"Gah! I slept in!" bulalas nito nang makalapit sa kanila. Ang itsura'y tila bagong gising pa.

Ngumiti siya rito. "Looks like you didn't get enough sleep last night?"

Ma-drama itong bumuntonghininga, "I was watching a documentary film about Ted Bundy. It was so intriguing na hindi ko na namalayan ang oras. I slept in kaya hindi ko na nagawang maligo."

Pinagtawanan ito ni Dani at tinuksong nangangamoy kahit hindi naman.

Kaki was fond of watching serial killer documentaries, dahilan upang weirdo ang tingin ng iba nilang mga ka-klase rito.

It had been two months since the school opening, and she was thankful that she met her new friends. The three of them had become really good friends. Hindi niya alam kung bakit sila nag-click na tatlo sa kabila ng pagkakaiba ng mga personalidad nila. Their bond just happened magically.