The Alexandros Series: MY HEART REMEMBERS (REVAMPED VERSION)

CHAPTER 007 - Hopeless Romantic

"MAGANDA, MAKINIS, MUKHANG ANGHEL. KULANG LANG TALAGA SA APPEAL," komento ni Dani habang titig na titig sa mukha ni Luna. Naka-upo ito sa harap ng dalaga at nakangalumbaba sa ibabaw ng desk.

Si Luna na nakayuko sa binabasang libro ay umikot ang mga mata. She closed the book and gave Dani a bored look.

"Move on, Dani."

"How, Luna? Ang leader ng pinaka-sikat na grupo dito sa CSC ang dumidiskarte sa 'yo. Hindi ako makapaniwala, kaya papaano akong magmo-move on?"

Si Kaki na nasa tabi ni Luna at nakaupo sa sariling desk ay natawa. Maingat nitong pinupunasan ang reading glasses.

"Their group just started a couple of months ago, at wala pa sa batch natin ang nakakakita sa kaniya," patuloy ni Dani. "He is one of the students here in CSC, for sure. At maaaring nakita ka niya at nagkagusto sa 'yo. I mean, don't get me wrong. You are pretty, pero aminin mong maraming mas maganda sa 'yo at 'di hamak na may sex appeal, 'no. Kaya 'di ko gets."

"Sobra ka na, Dani," si Kaki na natatawa naman.

"Pero totoo naman. At totoong achiever itong si Luna back in middle school, pero lowkey siya nang pumasok dito sa CSC. Hindi siya pansinin. Kahit nga si Stefan ay 'di siya type."

Sa huling sinabi ni Dani ay napa-angat si Luna sa upuan kasunod ng paglingon sa desk ni Stefan. Luckily, he wasn't there. At maingay ang classroom dahil hindi pa tapos ang lunch break.

Ibinalik ni Luna ang pansin kay Dani. "Kailangan bang isampal mo sa akin ang katotohanan na 'yan?"

Doon humagikhik si Dani. "I was so annoyed about you when we first met, thinking na magiging karibal kita sa mga boys. I used to have a crush on Stefan, pero nang makilala ko ang bago kong crush ay binalato ko na siya sa 'yo. Akala ko pa man din ay may pag-asa ka dahil close kayo noong unang araw. 'Yon pala, nganga ka rin tulad ko."

Nakisabay si Kaki sa tawa ni Dani, at wala nang nagawa pa si Luna kung hindi sumimangot. Inis itong humalukipkip at sumandal sa upuan.

Si Dani ay tumigil sa pagtawa at dumukwang. "Pero hindi pala pang-varsity player ang beauty mo 'day. Pang frat leader." Itinaas ni Dani ang mga palad at inihawak sa mukha ni Luna. "You are such a lucky girl."

Tinabig ni Luna ang kamay ni Dani. "Stop it. Hindi ako interesado kung sino man ang lalaking iyon."

"Kahit mas pogi kay Stefan?" ani Kaki na inisu-suot na ang salamin. "Hindi lang ako nagpahalata kanina, pero natulala rin ako sa itsura nina Marco at Seann. Iyong tatlong nasa entrance door kanina ng cafeteria, mga simpatico rin. And those three look like half-blooded; mukhang Hapon pa nga ang isa. So, kung pogi ang mga members, siguradong pogi rin ang leader." Dumukwang din ito sa desk ni Luna at bumulong. "Why don't you give it a try?"

Nagpakawala nang malalim na paghinga si Luna. "Pagagalitan ako ni Daddy kapag nalaman niyang inuuna ko ang pakikipag-relasyon kaysa sa pag-aaral. I don't want to disappoint my parents."

"Pero 'di ba, pwede ka nang magpaligaw pagdating mo ng eighteen?"

"Still."

"Come on." Si Dani ay tumayo at tumabi sa kaniya upang dukutin sa ilalim ng desk niya ang rose na ini-abot kanina ni Seann. "Kanina ko pa hinihintay na basahin mo ang note na ipinadala niya this time. Give up mo na si Stefan at dito ka kay D. Van mag-focus. Mukhang mas exciting 'to. At isipin mo, ha? Kapag naging syota mo siya, you will be popular at paniguradong walang mambu-bully sa 'yo rito sa school."

"Gosh, Dani, I could be popular if I want to. I have the skills to be one, but I would rather not."

Tumango si Kaki sa pag-sang-ayon. Si Dani ay umikot ang mga mata paitaas.