نُقْطـة تَحـولْ 🌸
الحلقة │1│✨
لآيك قبل ما تقرآ ، وكومنت بعد ما تقرآ ❤
.
.
.
.
بسنت : اتبتي وسيبي اللي في يديك !
بيلسان : هئه منبيش نكمل اللعبة قبل -.-
بسنت : شعرك هكي مش ه يطلع حلو راه متتحركيش
بيلسان : باه ها خلاص
كيف تلع ! 😊
بسنت : ههههـ نوضي شوفيه في المراية !
نآضت بيلسان ووقفت قدام المراية وتشوف في روحها .. ✨
بيلسان : محلآه زي الصورة 😻
ومشت تجري ضمت بسنت : شكرآآ 😘
بسنت : 😘❤
هي امشي انزلي اجري
بيلسان : هههه
وطلعت نزلت ..
ابتسمت بسنت و لحقتها .. ✨
.
.
.
.
.
بيلسان : ماما ماما شوفي ☺
أمهم هناء : ههه محلاها بنيتي ❤
دارتهالك زي اللي تبآها !
بيلسان : ايه 😻
توا هكي رندة مش ه تكون احلي مني 😌✋
ع هناء : عيب يا ماما ميقولوش هكي !
بسنت : خيرها !
بيلسان : باهي خيرها هيا يومها قالتلي ه تطلعي شينة في الحفلة و اني احلي منك 💔😔
وقعدو كلهم يضحكو 😢
ع هناء : خلاص متبكيش !
بسنت : حي عليك توا تطلع احلي منك متبكيش 😂
ع هناء : بسنت !
وشافت لـ بيلسان : وبعدين خيرها رندة مش صاحبتك ! ونعرفها اني كويسة !
بيلسان : لا معاش كويسة دقيتها 😒
بسنت : 😂😂
ع هناء : علاش ! شن دارتلك ؟
بيلسان : قعدت تحكي للفصل علي هديكا المرة اللي طحت فيها في البز قدام المدرسة
وهما قعدو يضحكو عليا 😢
ع هناء : باهي علاش ضحكو هدي حاجة مضحكش !
بسنت مقعمزة وتفطر .. ✨
بيلسان : لا هما ضحكوو 😔
وحتي ميدو قعد يضحك 😢
بسنت : 😂😂
ع هناء : م من ميدوو هذا ؟!! 😳
بيلسان : ميدو هذا ولد يقرا معانا ☺😻
و رندة تحبه 😒
لكن هو ميحبهاش 🙋
بسنت : ههههههههههههههههـ 😂
ع هناء : وانتي شن عرفك بالكلام هذا ! عييب يا ماما انتو صغاار عييب
بيلسان : باهي شن بندير 😢
ع هناء : انتي شن دخلك فييهم !!؟
بيلسان : ماهو ماهوو اا !!
ع هناء : ماهو شني ؟ 😒
بسنت : يا ماما حشمتي البنت 😂
ع هناء : اسكتي انتي التانية علماها زيدي ماهو كله منك
وانتي مزلت نسمعك تقولي هكي مرة تانية نوريك 👌
هذا اللي ناقص ! مزلت نلقاك تكلمي فيه مرة تانية يا بيلسان تشوفي 😒
بيلسان : لكن يا ماما 😢
ع هناء : لكن شنو !!
بيلسان : تبيني نخليهولها 😢
بسنت : 😂
ع هناء : يا بنتيي عييب هذا كلام كباار مش صغيريين متخلينيش نورييك توا ومنمشووش مرة وحدة 😠
بيلسان : لا لا خلاص باهي 😔
ع هناء : باهي شنوو !
بيلسان : معاش نقول هكي
لكن ارجوك نمشوو 😔
ع هناء تنهدت : قعمزي افطري هي
بيلسان : بنمشو وله ! ماما 😔
خ هناء : باهي خلاص هي قعمزي
بيلسان : يا سلاام 😻
بسنت : ههههههه
بوهم أشرف : صبااح الخيير 💜
بيلسان : صبااح النور بابا 😻
وناضت ضماته ..
بسنت وخ هناء : صباح النور
ع اشرف : سلمها بنتي ❤
وقعمز يفطر معاهم ...
بيلسان : بابا ريت قفطاني حلو ولاه ☺
ع اشرف : ههههـ حلو حلو
وانتي بسنت بتمشي معاها !
بسنت : لا بابا عندي محاضرة اليوم
خ هناء : اني بنمشي معاها ان شآء الله
ع اشرف : خلاص توا انوصلكم اني
بيلسان : ه يكون أحلي عيد طفل 👏
كلهم : هههه ❤
.
.
.
.
.
.
.
.
.
" الآن " ..
.
.
.
.
.
....: خلاص يا بنتي مديريش هكي ! 😢
والله ميصير اللي اديري فيه ف روحك وميصلحش بيك حرام عليك !
ليك أسبوع علي الحال هذا ! 💔
باهي علي الاقل ابكي تكلمي عيطيي 💔 ديري اي حاجة لكن متقعديش ساكتة وبروحك هكي والله حرام يا بنتي 😢
هكي انتي تعذبي فيهم أكتر خليهم يرتاحو في قبرهم وادعيلهم بالرحمة والمغفرة وان شآء الله ربي يجعل مثوآهم الجنة 💔
لا حول ولا قوة الا بالله
باهي كولي هاذي مني بس ! ارجوكي مديريش فينا وفي روحك هكي يا بسنت يا بنتي اسمعيني ! 💔
ليك ايام متاكليش شن تبي تمرضي ! سلم بنتي خودي هادي مني !
ردي عليا يا بنتي ! 😢
.
.
.
المراه : مني هيا اللي تكلم فيها !
المراه 2 : هادي خالتها مسكينة ليها ساعة اتكلم فيها وتبيها تقول حاجة ولا تاكل لكن شيء البنت ساكتة ومتتكلمش ومقالتش ولا حرف من يوم #توفو عيلتها مسكينةة
المراه : ينآري علاها وخلاص تقطع القلب 💔
المراه 2 : اللي صار فيهآ مش شوية
ماتو امها وبوها في نفس اليوم واختها حالتها ما يعلم بيهآ الا ربي
ربي يصبرها وخلاص 💔
المراه : ربي يرحمهم ان شاء الله
المراه 2 : آمين ❤
.
.
.
.
.
.
فلك : خيرك ماما !
ع ماجدة { مرت عم بسنت } : نفكر ف البنت
فلك : أي بنت ؟!
ع ماجدة : بنت عمك !
توا وين بتقعد ! زعما شن بيصير فيها ! ان شاء الله غير ميقولوش لـ بوك خودهم بس
فلك : ماما حراام عليكك
شن صارلك ! هكي تفكري انتي وقته الكلام هذا !
اني انوض خير
ع ماجدة : اي اي بري جنبها اجري 😒
فلك : ماما !!
.
.
.
.
.
بسنت : ماما وبابا مشو وسيبوني يا خالتي !
خالتها : بنتي 💔
بسنت : م م مشو وخلون ني ! معاش فيه بابا وماما توا خلاص ! 💔 معاش ه نشوفهم ! معاش ه نتكلم معاهم ! معاش ه نسمع صوتهم ! معاش ه نشم ريحتهم ! مشو وخلوني بروحي .. 💔
اني كيف بندير بلاهم كيف قدرو يمشو ويخلوني حرام والله حراام .. 💔
هادو امي وبوي كيف ه نقدر نعيش بلاهم !
اكيد تبصرو صاح خالتي ! اي تبصرو عارفتكم ههه 💔 اصلا ماما مستحيل تخليني وتمشي عارفتني منفدرش نعيش بلاها وبلا حنيتها وبلا حضنها وبلا عطفهما 😢 هيا الوحيدة اللي تقدر تحس بيا بس ! هيا الوحيدة اللي بدون ما نتكلم تعرف كان اني مضايقة او جوي اخي😢 او كنت فرحانة ههه 💔 بابا ديما يقولنا انتو صغاري ونحبكم و نبيكم تكونو الاحسن في كل شيء ديما يدعم فينا ويشجع فينا وعمره ما يحرمنا من حاجة ولا يقصر معانا 💔 لما كنت صغيرة ديما نقول اني لما بنكبر نبي نبدا زي بابا ههه ❤
اي انتو تبصرو عارفة ! خلاص قولولهم يجو هيا !
ماما وينك ! ناداها خالتي والنبي ! 💔
خالتها تبكي وحضنتها : حرام يا بنتي مديريش هكي 😭
ادعيلهم بالرحمة ان شاء الله ربي يرحمهم ويجعل مثواهم الجنةة 😭
بسنت : خالتي متقوليش هكي كان تسمعك ماما تزعل منك
خالتها ضربتها كف لين بسنت تجمدت .. 🙋
والنساوين يشوفولهم ويبكو .. 💔
بسنت : ب ب بيـ لسان بيلسان وين !؟
خالتها : 😭
بسنت : ياخالتي بيلسان وين تقوليلي ارجووك !
وناضت ادور وادور علاها ~
خالتها : تعالي شوفي بناويتك يا هناء 😭 شوفي شن صارلهم بعدك يا هناء 😭 اخخ يا اختي ربي يرحمكك
.
.
بسنت : قولولي اختتي وويين ؟
خالتيي بيلسان ويينن !
نعرفها تخاف ومتقدرش تقعد بروحها يا خالتي قووليللي !
فلك : بسنت حبيبتي خلاص ارجووك 😢
روان { صاحبت بسنت } : بسنت مديريش في روحك هكي 😢
هذا اللي كاتبه ربي وكلنا ليها 💔
بسنت : بيلسان تخاف من الظلام و متقدرش تقعد بروحها وينهااا ؟!
خالتها : يا هناء يا وخييتي وين مشييتي وسيبتييناا اااه يا اختي 💔😭
بسنت : معاش تقوولي هكككي
ر روان ه هاتي النقال !
روان : حبيبتي خلاص 😢
بسنت : روان اعطيني النقال
روان جبداته من جيبها : ومدتهولها
بسنت خداته وكتبت الرقم واتصلت ..
.
.
.
.
.
.
.
.
.
.
جهاد : دكتور !
كيف حالها ! 😔
الدكتور : نجحت العملية و حالتها مستقرة
نص ساعة ويمشي ثاتير التخدير
جهاد : الحمد لله 💜
حاسك بتقول حاجة تانية !
الدكتور : ايه هو احني مزال مش متاكدين لكن شكيت 😔
خدينالها تحاليل ونستنو فيهم يجهزو ونتاكدو
جهاد : ان شاء الله خير دكتور !
الدكتور : للاسف ........ ✨
جهاد : 😱😱
وقعد يتكلم معاه ..
.
.
مصطفي { عم بسنت وبيبسان } : شن فيه جهاد !
شن قالم الدكتور ؟
جهاد : يا بوي شن بنقولك بـ....
ويقطع عليه صوت النقآل يشرين .. 🎶
ع مصطفي : هذا نقالي !
آلو !
الرقم : عمي مصطفي !
أني بسنت
ع مصطفي شاف لـ جهاد : بنتي ! 😔
كيف حالك ؟
بسنت : عمي نسأل فيهم علي بيلسان ميبوش يقولولي وينها
وين اختي يا عمي
ع مصطفي سكت : اختك معاي يا بنتي
بسنت : وينها وين انتو ؟!
ع مصطفي : تبي تشوفاها
بسنت : اي يا عمي بيلسان وين مبوش يقولولي
ع مصطفي : خلاص يا بنتي
وشاف لـ جهاد : اهو توا نبعتلك جهاد يجيبك
جهاد هز براسه ب الموافقة ومشي ..
بسنت : تمام عمي نستني فيه
وسكرو ... ✨
.
.
.
.
.
.
.
خشت بسنت لبست عبايتها و وشاحها وطلعت ..
قعدت تستني شوية ووصل جهاد ..
طلعت وركبت من الخلف ...
ومشو للمستشفي .. ✨
جهاد : البقية في حياتك يا بسنت 😔
بسنت حست بحاجة خنقتها وحست كانه حد ضربها بمووس 💔
بسنت : ب بيلسان وين مقلتليش !
جهاد : توا نوصلو وتعرفي
بسنت : جهاد صايرة حاجة لـ اختي !
قولي مدسش عليا 💔
جهاد وجعاته ومعرفش شن يقول :..
ابتسم وقاللها : بيلسان كويسة متخافيش
بسنت سكتت وقعدت تشوف لـ جيهة الروشن وتفكر ودموعها علي خدها 💔 ~
وصلو للمستشفي ونزلو .. ✨
خشت بسنت بخطوات سريعة وجهاد معاها ..
لين وصلو في الممر اللي فيه بيلسان ..
.
.
بسنت : اهني ؟!
ع مصطفي : اي يا بنتي
بسنت : نقدر نخش نشوفها
جهاد : توا نمشي نسال ونجي
ومشي .. ✨
قعدت بسنت واقفة وتشوف للباب وقلبها يرجف وتسمع في نبضات قلبها ..
كانت تبي تشوف اختها وتحضنها بس خايفة ! في نفس الوقت خايفة تشوف اختها وتكون حالتها او وضعها مش زي قبل ! خايفة تسالها علي بوهم وامهم ! شن ه تجاوبها وقتها ! 💔
.
.
جهاد : تقدري تخشي لكن قال متعطليش
بسنت قدمت وشدت الباب و خشت ..
.
.
.
كانت رااقدة ع السرير ..
رجلها ورقبتها مجبسات و وجهها كله كدمات .. 💔
كانت راقدة زي الملاك ومتندري علي شيء .. 💔
قدمت باتجاهها وهيا تتفكر في هداكا اليوم .. 💔
من كان متوقع يصير هكي وتتغير حياتهم في يوم ..
شدت يدها الصغيرة وتبكي ..
بسنت : حبيبتي ! بيلسان ! وخيتي نوضي 😭
أرجوك متخلينيش حتي انتي ! بيلسان هيا نوضي 😭
والله منقدر نتحمل نفقدك حتي انتي
ياسر بابا وماما خلونا ! كيف ه نديرو نتحمل نفقدك حتي انتي 💔
من اللي كان متوقع يصير معانا هكي اهيء
شن درنا احني باش ننحرمو منهم الاتنين
انتي مازلتي صغيرة وبتنحرمي منهم من توا 💔
بتنحرمي من عطف وحنان ماما و بابا وانتي ف ه العمر 😭
كيف ه نقولك ! كيف ه تتحملي ! ه تقدري تستوعبي الحاجة هادي 💔
توا معاش لينا حد في الدنيا ! قعدنا بروحنا بين الناس كلها 💔
لكن وعد حبيبتي مستحيل نسيبك
معاش لينا غير بعض في الدنيا مستحييل نخليك 💔
يارب خليلي اختي ومتخرمنيش منها يارب ~
.
شدت يدها اكتر و حطت راسها عليها 💔
فتحت عيونها بالشوية وشافتها جنبها وتبكي ..
بيلسان : ب ب سنت !
بسنت : حبيبتي نضتي 😢❤
ومسحت دموعها ..
بسنت : الحمد لله يارب
حاسة بحاحة حبيبتي توجع فيك حاجة !
بيلسان : خيلك تب كي ؟
بسنت : متخافيش حبيبتي مفيه شيء : ))
ارتاحي انتي توا ارقدي
بيلسان : و وين م اما ؟!
بسنت سكتت وحست بقلبها يعصر فيها .. 💔
بسنت : م ماما ا ماما شوية وتجي
ارتاحي حبيبتي غمضي عيونك
ولت بيلسان رقدت ..
وبسنت غطتها وطلعت من الدار ..
اول ما سكرت الباب انهارو دموعها .. 💔
جهاد : خيرك !!
ع مصطفي قاله خلاها .. 💔
قعدت بسنت تمشي في الممر وتتفكر في اللي صار .. 💔
قعمزت علي كرسي وحطت يداها علي وجهها .. ✨
.
.
.
.
.
.
.
.
.
.
.
" قبل أسبوع " ..
.
.
.
خ هناء : هي بري جيبي شنطتك وتعالي
بيلسان مشت تجري ..
ع أشرف : أمتي محاضرتك بسنت !
بسنت : الساعة الـ 10 تبدا
ع أشرف : باهي اني نوصل امك واختك و نفوت علي الشركة ونجيك بعدين
بسنت : اوكي
ع أشرف : صار لازم نديرولك سيارة
بسنت شافتله : حق بابا !؟؟
ع أشرف : اي يا بنتي خيرك ! 😂
بسنت ناضت من الكرسي و مشت حضناته
بسنت : تي انت احلي باباا ❤
ع أشرف : هههه باهي خلاص
بيلسان : هي بابا احني واتيين
ع أشرف : وأمك وين !
خ هناء : جيت هي ، بسنت قعدو اماعين الفطور بس ضميهم وحطيهم في الغسالة
بسنت : حآضرر^^
خ هناء : هي معناها خلاص ردي بالك علي روحك ❤
بسنت : حاضر يا ست الحبايب 😘
خ هناء : شن صاير باش فرحانة
بسنت : هههه حرام عليك تبيني نبكي -.-
خ هناء : لا لكن قبل شوية ساكتة ومش هكي :/
ع أشرف : توا نقولك في السيارة هي بتعطلو
خ هناء : باهي
لبستي كندرتك ؟
بيلسان : اهاا ☺
خ هناء : باهي هي
بسنت : نحبكك مامتي 😘
خ هناء : دووم الفرحة ههه 😘 حتي اني نحبك
هي باي
بسنت وقفت معاهم قدام الباب ..✨
وقعدت واقفة لين مشو ..
سكرت الباب وخشت .. ✨
خشت للمطبخ واضم في اماعين الفطور وتغني ..
Hello {{
Hello , it’s me
I was wondering if after all these years you’d like to meet to go over everything
Thay say the time’s supposed heal , yeah
But i ain’t done mush healing
Hello , can you hear me
I’m in california dreaming about who we used to be
When we were younger and free
Ther’s such difference between us
And amillion miles
Hello , from the other side
}} I must called a thousand times
قطع علاها صوت الفون يشرين .. 🎶
بسنت : صبآحوو
روان : عسسل 💜
شن الجو !
بسنت : تماام وأنتي
روان : مليح
شن سر السعادة ع الصبح
بسنت : هههه توا نقولك بعدين
اسمعي !
روان : نعم !
بسنت : متنسيش بعد المحاضرة اليوم بنطلعو !
روان : اي مش ناسية
بابا بيرفعني شن رايك تجي معاي خير من اتعبي عمي أشرف
بسنت : مش عارفة
روان : اساليه وقوليلي بعدين شن فيها يعرفو بعض هما !
بسنت : اممم باهي توا نكلمه ونرد عليك ..
روان : اووك
سكرت واتصلت ب ع أشرف .. ✨
ع أشرف : آلو
بسنت : آلو بابا وصلتو !
ع أشرف : لا وقفت ع الشيل نعبي في بنزينه
فيه حاجة ؟
بسنت : بابا صاحبتي روان قالتلي نمشو مع بعض وبوها بيرفعنا عادي
ع اشرف : عادل !
بسنت : ايه
ع اشرف : باه عادي
بسنت : اوكي هي باي باباا
ع اشرف : ههه سلام بنتي
وسكرو .. ✨
وتسمع صوت الباب يطق ! ... ✨
#يتبــع .. 💜
ـــــــــــــــــــــــــ
رآيكم ف تعليق ❤
و #منشـــن_لأصدقآئكم لو عجبتكم ✨
