نُقطة تحوُّل .

الحلقه |10|

{ أول حاجة أسفة مقصديش نعطل بس تم منـي أشتراك النت وهذا وين عبيت 💔
قرآءة ممتعة ~ }
نقطـة تحول 🌹
الحلقــة │ 10 │ 🍃
هـي لآيك من قبل ما تقـرو  🌸
.
.
.
.
سهى : هو مش اليوم بالزبط عيد ميلادك بيسو وله ؟
فلك : مش عيد ميلادها ليه 4 ايام عيدها / لكن كانت مسافره هيا وقتها مشي درناه اليوم
بسنت : سلمها يارب 💜

" شوية ويسمعو صوت الباب و يخشو سليم وجهاد " ..
سليم : السلام عليكم
كلهم : و عليكم السلام
سليم : كيف حالكم شروق وسهى ؟
شروق وسهى : الحمد لله وأنتَ ؟
سليم : الحمدُ لله
سهى : جهاد شن الجو
جهاد : مليح
" وقعدو ساكتين / بسنت كانت ساكتة و متبيش تشبح ف جهاد ع الكلام اللي قالهولها ، قررت معاش تكلمه لين يتأسف / و متبيش تشبح حتي ف سليم ع خاطر الموقف اللي صار 🙈  " 
  جهاد : فلك وين أمي ؟
فلك : من لما روح بيها سليم ركبت رقدت .
بسنت : نستأذن تصبحو علي خير
كلهم " ماعدا جهاد قعد يشبح فيها " : قدامك الخيـر
"  لما ناضت بسنت وهيا ف طريقها للمطبخ بتاخد مياه / سمعتهم يقولو " ..

فلك : صايرة حاجة ؟
جهاد : لا علاش
فلك : ماهو سألت ع ماما قلت بالك فيه حاجة
" جهاد مقال شيء / و سليم يشوفله " ..
سليم : قوللهم 😂
فلك : علي شني ؟؟
سليم : تقول ولا نقول اني وخلاص هههه
جهاد قرر يخطب
" و الكلمة تجي ف وذن بسنت وهيا طالعة معدلتش وكملت طريقها ل الدروج وركبت / جهاد شاف ل بسنت لما تكلم سليم و زبط أنها سمعت ومعدلتش و تاكد من كل شيء وقتها أنه معندهاش أي مشاعر اتجاهه 💔 "

فلك : اوو مبروك جهود 😍😂
شروق و سهى : ألف مبرووك
جهاد : يبارك فيكم / هي تصبحو علي خير
" و ناض وركب " ..
فلك : خيره !! مش كان جوه كويس 😶
سليم : توا نشوفه " وكيف بينوض "
فلك : غير استني أمتي طلع بالقرار المفاجيء هذا 😂
سليم : علمي علمك امس قال بس
سهى : باه من هيا ؟
" شروق نخصتها "
سليم : الله اعلم / أني ماشي تصبحو علي خير
فلك : وانت بخير .
" و ركب سليم " ..
فلك : 😂
شروق : تي كيف تسأليه سؤال زي هذا
سهى : شن فيها عادي ! 😳
فلك : غير جيتي انتي بس / كان أني راهو حصلت تكشيخة 😂💔
سهى : ناعليا من خوك العصبي 😍
شروق : تحشمي 😒
سهى : تي عادي 😂
فلك : حوليه من دماغك أهو قتلك 😂
سهى : تي كلمة عادية هيا -.-  / تقولي قلتلهم نحبه  😒
شروق : شن ناعليا اماله هادي
سهى : عادي عاجبتني شخصيته الصراحة بس 😂💖
فلك : أني مع انه الزوز خوتي نفضل جهاد أكتر
سهى : علاش بالعكس سليم خير حسيت
فلك : هما الأتنين خوتي ونحبهم  /  لكن جهاد شخصيته ضحك وبصارة وجوه حلو وميعصبش هلبا لكن سليم عكسه كلهه جديات و عصبي و مينفهمش منغلق هكي متفهميشي لكن عادي يدير ف جو حتي هو هههه غير ممكن سليم ليه فترة طويلة برا ومش متعودة عليه زي جهاد  ف هذا علاش
سهى : العصبي خير يا ودي 😂😍
شروق : حصلي هديكا التكشيخة بعدين قولي العصبي خير،   أسالي مجرب 😐
فلك : شكله معتز " خطيب شروق " من النوعية هادي 😂
شروق : هلباا / لكن ناعليا منه وخلاص 😂😍
سهى : كيف كانت تقولي شن ناعليا هادي 😐
شروق : خطيبي هذا عادي اني 😌
سهى : وحرام عليا 😶💔
فلك : 😂
هي نوضو كان بنرقدو تعبانة أني خلاص
سهى : ثعبانة ولا أرنب ؟ 💁
فلك : 😂😂
شروق : تخفف ف دمها هادي
فلك : لكن والله قوية 😂
سهى : مش أقوى منك حبيبتي 😂😎
شروق : توا الناس العصبيين اللي تحبيهم نحس فيهم قريب ينزلو ع صوت الضحك العالي هذا اللي مدايرينه
سهى : ينزل عادي 😂😍
فلك : 😂  هيا إلي النوم خلاص
سهى : سيري أمامي يلا يلا
فلك : 😂
شروق : ربي يهديكم
سهى : أجمعين 😇
فلك : 😂
.
.
.
.
.
.
.
.
بعد ما ركبت بسنتْ للدور التاني /  خشت للدار و لقت بيلسان راقدة ومش متغطية والمكيف يخدم  ،  خدت بطانية وغطتها /  قعمزت ع الصالون اللي ف جيهة روشن البلكونة وتتفرج ع القمر وهيا مرتاحة لانها نحت شكوك انه جهاد يحبها بعد ما سمعتهم يقولو بيخطب / بس قعدت تفكر ف السبب ..