نقطـة تحـول 🌹
الحلقـة │ 31 │ 🍃
لآيك قبل ما تقـرو 💜
.
.
.
.
.
فتح الباب الخلفي ل السيارة وحطها جنب بيلسان . . .
بيلسان : بكلاوة صاح ؟! 😍
سليم " ضحك و كان جايبلها طرف كيكه مدهولها وفرحت بيه // لف وركب ف السيارة "
بسنت : ي بيلسان ماتاكليهاش توا / تشوهي لبستك
بيلسان : مانشوهاش 😋
بسنت " خلتها والتفتت "
سليم : خيرك خلاها عادي
بسنت : تشوه لبستها بعدين عادي اي
سليم : خيرك والعة انتي ؟!
بسنت : ماخيرنيش
سليم : لا واضح 😂
بسنت : شوف فونك كان يرِن ^^
سليم " خداه وشاف المكالمة "
بسنت : من هيا نسرين ؟!
سليم : حَبيبتي 😎
بسنت " رفعت حواجبها : اها / باه ربّي يخليكم ل بعض " و ساوت تقعميزتها و شافت جيهة الروشن "
سليم : 😂
نفهم انه هادي غيرة ولا كيف ؟ 😎
بسنت " شافتله " : غييره ؟! مني ؟ انا بنغار عليك
سليم : اها 😇
بسنت : تحلم انتَ / لا بالحق تحلم ! وعلاش بنغار عليك ؟
سليم : بالشوية علينا // اوص باه نرِن علي نسرين
بسنت : 😳
سليم : " و قعد يرن وفتح الخط " .. آلو
الحَمدُ لله وكيف حالكم انتو ؟ .. كويس .. لالا .. لا والله ماكلمتاش من امس .. تمام تمام توا ندوره ونقوللكم .. لا عادي ولا يهمكم .. تمام " وسكر "
حط سليم الفون وشاف ل بسنت اللي مربعة يداها وتشوف جيهة الروشن / قعد يضحك و ولع السيارة وماقال شيء ،، وتحرك ب السيارة ...
سليم : نسرين تسلم عليك 😌
بسنت " شافتله " : طبيعي انتَ ؟
سليم : علاش تشوفي فيا مهبول ؟ 😂
بسنت : وحبيبتك هادي تندري انك متزوج !؟
سليم : 😂
بسنت : كل مرة اسم !! كم عندك حبيبة الله اعلم عاد
سليم : شنو ؟
بسنت : شيء
سليم : منظرك فظيع وانتي غايرة راه
بسنت : هوووف علينا 😒 // ممكن معاش تكلمني لو سمحت راسي صداع
سليم : باه ما تبيش تعرفي من هيا نسرين ؟
بسنت : عرفنا انها حبيبتك
سليم : تمام
سكتو الزوز و سليم قعد يسوق ، قعدو ساكتين لين سأل سليم بسنت ع نعتةة حوش خالها وين بالزبط / قعدت تقولهه و كان حوش خالها جاي ف جيهة داخل بكل و ف زنق ،، لين وصلو . . .
اول ما درس سليم فتحت بسنت باب السيارة ونزلت و سكرت الباب بالقوة
سليم " نزل " : قلعيه وخلاص
بسنت : المرة الجاية ان شاء الله 😊 // بيلسان انزلي
نزلت بيلسان و سليم طلع صندوق المشروب من الكوفينو وحطه عليه و حط فوقه صندوق الحلويات // وف الوقت هذا بسنت شادة يد بيلسان و رنت ع باب حوش خ انور . . .
امجد " فتح الباب " : اووو هادي انتِ ي طشةة 😎
بسنت : اححمم 😅
امجد : خيرك ؟ " وطلع من الباب و لقي سليم "
امجد : أهلََا أهلََا ب نسيبنا شن اخبارك
سليم : اهلينْ بيك / الحمد لله شن اخبارك انت
امجد : كويس // علاش متعب روحك
سليم : مش من مقامكم غير جت الجية ع السريع
امجد : تفضل خش
سليم : يزيد فضلك مافيش داعي مرة تانية ان شاء الله
امجد : اول مرة تجينا و وصلت ل باب الحوش و ماتخشش ماتجيـش
