نقطــة تحـول 🌹
الحـلقـة │ 30 │🍃
لآيك قبل ما تقـرو ❤
.
.
.
.
خدت النسكافى و مشت ل دارها بيها ../ قعمزت جنب الشباك وهيا فاتحاته والريح تضرب و تطير ف الستار و الجو كان شمس خفيفة و حلو وتشرب ف النسكافي وتفكر و كل شوية تشوف ف الفون ع امل انه يرِن و كانت الساعة 7ومعاها . . .
و شوية ويرن الفون // تلاحقاته ولقاته من جهاد :/
فلك : آلو !
جهاد : تعالي ل المطبخ
فلك : صبح ي فتاح / شن فيه !؟
جهاد : تعالي و بلا دوشة
فلك : باه علاش كلمتني ب الفون ؟ بعيدة ل ه الدرجة الدار😂 ؟
جهاد : انتي وين قاعدة توا
فلك : ف الدار
جهاد : باه و وين تجي الدار ؟
فلك : من جدياتك انتَ ؟ 😅
جهاد : جاوبي خير ما نطلعلك توا
فلك : باه باه // الدار ف الحوش
جهاد : وين تحديدََا باه ؟
فلك : ف الممر ف الحوش نعطيك العنوان ؟ 😂
جهاد : و الممر هذا من فيهه ؟
فلك : فيه الديار / خيرك انت ع الصبح 😂
جهاد : والديار من فيهم
فلك : كلهم راقدين
جهاد : خلاص معناها تعالي و بلا دوشة
فلك : لالا فيك حاجة انتَ اليوم
جهاد : تعالي واسكتي " وسكر "
فلك " حولت الفون من وذنها وشافتله " >> لالا هذا اليوم مش طبيعي !
حطت الفون ف يدها و طلعت و سكرت الباب ب هدوء و طلعت من الممر و مشت ل المطبخ ...
فلك : صايرة حاجة ؟!
جهاد : كيف ب نسألك نفس السوؤال شوفي سُبحان الله 😂
فلك : شن صاير ؟
جهاد : انتي قوليلي
فلك : شن الالغاز هادي ! 😅
جهاد : انتي فاهمة / شن صار امس ؟
فلك : شن صار
جهاد : فلك تكلمي خير ما نولع فيك توا // امس ماكلمتكش و خليناك راقدة و واضح انهه فيه حاجة هيا احكي !؟
فلك " نزلت راسها " : انتَ حكتلك ماما ؟ 😓
جهاد : ع شن بتحكيلي ؟
فلك : ماهو اعرف قبل بعدين تعالا اسأل ؟
جهاد : احكيلي انتي نسمع فيك
فلك : احمد قايل ل امهه حاجة و قالتها ل ماما
جهاد : شن قايل .. ؟! ااه ااي ع موضوع بيطلبك ؟
فلك : اا يعني عارف
جهاد : اي حاكي معاي ف الموضوع هذا قبل
فلك " << يعني الا انا 💔😔 "
جهاد : شن صار باه
فلك : ف شني ؟
جهاد : خيرك امس واليوم انتي مش عاجبتيني ؟!
فلك : جهاد ممكن تسكر ع الموضوع لو سمحت 😔
جهاد : باهي شن قصة احمد طلع من المزرعة يسطرب و انتي تبكي امس ؟! شن صاير بينكم
فلك : .اا شيء ما فيه شيء // ارجوك معاش تسألني ف الموضوع هذا توا
جهاد : خيرهم عيونك و لو حمر بتبكي ؟
فلك : لالا
جهاد " حس انها اضايقت وماحبش يضغظ علاها اكتر " :: باه ديريلنا فطور هي
فلك : انا ؟ توا ؟
جهاد : فيه غيرك / هيا جعان 😌
فلك : هههه باه
جهاد : نستنى فيه برا
فلك : هلبا هكِ
جهاد : ديري و اوص 😊
طلع جهاد ل الصالون برا و قعد يرِن ع احمد تاني بس قاعد مقفل و الموضوع حيره ؟ زعما شن صاير ؟! وقرر انهه يمشيلهه ل الوش بعد الفطور علي طول
.
.
.
قعدت فلك ف المطبخ فاتحة الثلاجة و تطلع ف حاجات الفطور و تحط ف كاسات عصير و هكِ و عقلهها مش معاها و تفكر ف احمد // وينه ؟! وشن صاير معاه ؟ وعلاش مايردش ؟! .. وقعدت مشغولة و بالها مش مطمن بكل و كل شوية يتعبو عيونها دموع وترجع تمسحهم . . .
