نقطـة تحـوّل 🌹
الحلقـة │48│ 🍃
و #الآخيره 💔
لايـك قبل ما تقـرو 🌸
.
.
بسنت : شن فيه ؟
سوسن : مش عارفة لكن صوتها مش طبيعي " ومدتهولها "
بسنت : آلو فلك
فلك : بسسسسننت
بسنت : فلك خيررك ؟ انتي تبكي صح ؟؟
فلك : بسنتتت سلييم ي بسننت سسليممممم
بسنت : خيره خييره سسلييم ؟ صارتله حاجة قووولي
فلك : دار حادث وحالته مش كويسة بكل
بسنت : وين كيف وين وين هو باهي
فلك : في المستشفى و احني توا ماشيين
بسنت : تمام تمام " و وقفت " حتى انا جاية وين المستشفى
فلك : جهاد قالك م تمشيش بروحك جايك ف الطريق
بسنت : تمام نستنى فسيسع ارجووك
.
.
.
.
جهاد : زدتي بهارات 🌚مَ تفاهمناش هكي
فلك : غير برا باه 😅
/
/
/
/
سوسن : خلاص ي بيسو اهدّي بأذن الله ما يصيرله شيء 😓
بسنت : ياربّي م تخليش سليم يخليني يارب لا 😭
سوسن : معاش تفاولي عليه
بسنت : يارب م يصير شيء يارب م يصير شيء
سوسن : هذا ع اساس معاش تبيه 🌚
بسنت : هذا جهاد اكيدة 😭 " و طلعت تجري "
طلعت بسنت من الباب الخارجي علي طول لانها كانت تلف ف الجنان و م حستش علي روحها كيف ركبت ف السيارة من الخوف
بسنت : هيا خلينا نمشو فيسع
جهاد : هذا كله دموع
بسنت : برا هيا 😭
جهاد : باه امسحي دموعك خلاص
طول الطريق جهاد يواسي فيها ويقوللها امسحي دموعك و ه يكون كويس و الجو هذا 🌚 ؛ وهيا دموعها ينزحو نزح و مابطلوش من الخوف ل درجه يديها يرعشو 💔
جهاد : ي بسنت م فيش داعي ليها الدموع هادي كلها / بأذن الله م يصيرله شيء بسيطة
بسنت : انت خيرك تحكي وكانه اللي ف المستشفى توا مش خوك 😭
جهاد : تحسسي فيا انه قلبي ميت 🌚
بسنت : هادي مش طريق المستشفى وين ماشي
جهاد : اها / اي ماهو بنفوتو علي الحوش بناخدو ورق ضروريات ل سليم ع خاطر المستشفى 🌚
بسنت : باه ما معاه حد هو توا غادي قاعد بروحه ؟
جهاد : نَعليا وخلاص 💔 😂
بسنت : شنو ؟ 😭
جهاد : لا قتلك معاه محمد صاحبه و بوي والعيلة مشو غادي ما تخافيش
قعدت بسنت ساكتة وتبكي وتهز ف رجليها و جهاد ضميره يأنب فيه 🌚 // ل عند م وصلو ، فتح جهاد باب السيارة وشافلها
جهاد : مش نازلة ؟
بسنت : علاش بننزل / جيب انت الورق بسرعة وتعالى
جهاد : م تقعديش ف السيارة تعالي
شافتله بسنت و لانها م تبيش تعطل وتضيع وقت نزلت طول و سبقت حتى جهاد ع الباب
بسنت : الباب مفتوح !
جهاد : اكيدة طلع وناسيه / هي خشي
دفت بسنت الباب بشوية .. و خشت للحوش اللي ليها 6 شهور تقريبا لا شافاته ولا خشتله .. من هذاك اليوم المشؤوم 💔
حولت الافكار هادي كلها من راسها ع السريع و كيف قدمت و تتلفت علي جهاد و بتتكلم تشوف الباب يتسكر 🌚
