نقطـة تحول 🌹
الحلقـة │ 7 │
هي لايك قبل ما تقرا <3
.
.
.
" نرجعو ل ليبيا " ..
أحمد : يا جهااد !
ومعاش شافه ف البحر ..
أحمد : تي وين مشي هذا !
وشاف من بعيدْ جهاد جاي من الغريق وطلع ✨ ..
أحمد وين شافه : ليك ساعة فِ البحر وهو زي الثلج توا تمرض
جهاد " مردش عليه وخدي تيشيرته من الأرض ولبسه وخدي مفاتيحه و مشي للسيارة بدون ما يقول ولا كلمة "
أحمد : استني توا نسوق أني بالك متقدرش !
جهاد " حتي هو مردش عليه وركب ف السيارة وطلع بيها "
أحمد ركب حتي هو سيارته ولحقه ..
وصلو جهاد ِل حوشهم ، درس سيارته ونزل ..
واحمد كان ف جرته ، درس سيارته حتي هو ونزل ..
أحمد : يا جهااد تي اوقف ياراجل
بنقعد نلحق فيك أني -.-
جهاد : خلينني في حاللي 😠
" وطق ع الحوش " ..
" وتفكر مفاتيحه ف جيبه طلعهم وفتح الباب " ..
ناضو فلك و ع ماجدة ..
فلك : جهاد !!! 😳
ع ماجدة : جهااد حيي عليا خيره وجهك أصفر هكي 😳
" جهاد ركب ل داره فوق و مردش عليهم " ..
ع ماجدة من الدرج : ياجهااد !!
وشافت ل أحمد : خيره شن صاير معاه باش هكي مروح ؟!! 😱
أحمد : متخافيش عليه ياخالتي مشكلة بسيطة
ع ماجدة : هادي مشكلة بسيطة ومروح هكي لونه مهناش ؟!! حي عليا اماله كان مشكلة كبيرة كييف ؟!! ياحليلي وخلاص
" وركبت ع ماجدة ل جهاد فوق " ..
فلك : أحمد ! جهاد شن صاير معاه عمري ما شفته هكي ؟
أحمد : طايرتله من حاجة بس عطوه يومين وتوا يهدا
فلك : شكلها مشكلة كبيرة لأنه اول مرة ميردش علي أمي هكي !
أحمد : معليشي طايرتله بس متخاقيش " وغمزلها 😉 "
فلك تلبكت : اهاا اا ي ا ممكن
أحمد : هي مع السلامة
" وطلع وسكر الباب " ..
فلك ركبت فوق بتشوف أمها ..
لقت ع ماجدة اطق ع الباب وجهاد ميردش ومباش يفتح ..
ع ماجدة : ياجهاد افتح سلم ولدي خيرك ؟
شن صاير معاك ؟؟
رد عليا يا جهاد ؟!
فلك : خلاص ياماما خليه
ع ماجدة : استغفر الله وخلاص 😔
.
.
.
.
.
.
.
.
" تاني يوم الصبح ✨ " ..
" ِف ألمانيا " ..
.
.
ناضو الصبح مع الساعة 7 ، كانت العملية نص ساعة تانية ويبدا موعدها / كانو بسنت وع مصطفي مقعمزين جنب بيلسان ، وبسنت كانت تحاول تخفف من توترها قدام اختها وادير ف روحها عادية باش متوترهاش ..
شوية هكي وتخش الممرضة وقالتلهم بنرفعها ل حجرة العمليات ..
خدتها الممرضة بالسرير متعها وطلعو
وبسنت وقفت واديرلها ف باي ، و دقات قلبها ينسمعو من برا ، وخايفة انها تكون اخر مرة تشوف اختها 💔 ..
بعد ما غابت علي عيونها قعمزت وانهارو دموعها وتدعي وبس 💔 ..
ومع مرور الوقت والساعات ~
و بسنت حاطة يدها علي قلبها ، وتستني ف حد يطلع من حجرة العمليات ..
فجاءةة تنفتح الحجرة ويطلع الدكتور ..
بسنت جت ل عنده ع طول و قلبها يطق وقريب اطيح من الخوف 💔 ..
" طبعا هما يتكلمو انجليزي بس أني ه نكتب بالعربي " ..
ع مصطفي : دكتور كيف كانت العملية ؟؟
الدكتور : ....
.
.
.
.
.
.
.
.
.
.
.
ع ماجدة : فلك
فلك : نعم ماما
ع ماجدة : بري قولي ل تنيز " الخادمة " ادير فطور ورقيه ل خوك بالك يابا يكلمك
فلك : اوك
