نُقطة تحوُّل .

الحلقه|25|

نقطـة تحـول 🌹
الحلقـة │ 25 │ 🍃
لآيـﮓ قبل ما تقـرو 💜
.
.
.
.
سليم : آلو !
الرقم : سليم 😭😭
سليم : يما خيركك ؟؟

بسنت " وقفت وتشوفله "

ع ماجدة :  يا سلييم  بووك 😭😭  /  بوك ف المستشففى جاته جاتهه سكتةة قلبية  😭
سليم : شنووو ؟؟! 
ككيف كيف امتى ؟؟
ع ماجدة : اليووم 😭 / اليوم طاح عليناا 😭
سليم :  و ويين انتو ؟؟ كيف حاله تووا ؟؟
ع ماجدة : مانعرفوشش قاعد الدكتوور عنده مطلعش 😭
سليم : تمام تمام !! سكري جاي علي اول طيارة
و لما يطلع الدكتور كلميني ولا قولي ل جهاد
ع ماجدة : باهي باه " وتسكر الخط "

سليم : تسمعي فيا ؟؟؟
" و شاف ف الفون ولقاه نفصل ! "

بسنت " واقفة تشوفله و قلبها بيطلع من الخوف " :: شن فيه ؟ شن صاير ؟
سليم " حط يده علي شعره و مشي بيها , و نفخ و لوح الفون علي السرير بقوووة "
بسنت " رعشت من الحركة و حطت يداها علي فمها و وقلبها بطلع // ومعاش قالت شيء "

تحرك سليم ومشي ل الاب توب وحطه علي الطاولة وفتحه ويربط فيه بالنت و بيحجز علي اول طيارة // و بسنت واقفة مش فاهمة وخايفة ومش عارفة شن اللي صار  ..

بَسنت : سليم / ش فيه ؟ 😰
سليم " يشوف ف الاب توب و واضح مثأثر و يدور بسرعة هكِ // قعد ساكت بعدين رد " :: بوي ،، مريض و في المستشفى
بسنت : كييف عمي ؟؟!! 😳
سليم " قعد ساكت ويدور " :: الزفتتت ما فيشش ولا طياارةة ماششيةة الليلةة الهمم ال#####$#$#  😡 " وتنهد // ناض وقف و طلع ل البلكونة و وقف فيها "

بسنت نصدمت لما شافاته هكي // كيف قعد يكشخ و ناض يقربع و طلع ل البلكونة يدخن ،، وهيا الوقت هذا كلهه واقفةة  و قاعدة مش فاهمةة خيره ع مصطفي // لانه سليم قال مريض بس !! ما تعرفش شن صار ولا مريض ب شني /  بس واضح من انفعاله و كُل شيء انه اللي صاير خطير و مريض هلبا شكلهه 💔 ..

قعدت واقفة و يدها علي قلبهآ و خايفةة //  وتشوف ف سليم واقف ف البلكونة و يدخن ،،، مشت ل الشناطي و حطتهم علي السرير و تظم ف شوية ملابس كانو برا مطلعينهم لانهم اصلا كيف واصلين وما لحقتش تحط لبسها ف الدولاب //  ظمت اللي كانو برا ورتبتهم ف الشناطي ،،، بعدين ظمت حتي ل سليم حاجاتهه و طول هَ الوقت سليم كآن ف البلكونة ويدخن  ..

معاش عرفت تكلمه ولا تخليه بروحه ✨ ..

بسنت " ف عقلها  >> زعما عمي شن صاير معاه ؟! 😰 يارب يكون بخير وكويس ياربّي ما يصيرله شيء 💔  /  " وشافت ف البلكونة ل سليم " .. توا بيقعد هكي !  "
ويقطع علاها تفكيرها صوت الباب // ناضت هيآ و كانت قاعدة ب لبستها و ب وشاحهاا فتحت الباب ولقتهم جايبين العشي ، قالتله معاش نبوه لكن اصر علاها النادل و كانو دافعين الحساب  خلاته يدخله ومشي  ..

سكرت بسنت الباب و لقت سليم علي نفس الوضع ..
.
.
.
.
.
.
.
.
.
." فِ ليبيا " ..
.
.
جهاد " جي " : في من كنتي تكلمي ؟؟
ع ماجدة : في سليم // شكله فصل الخط 😭
جهاد : ان شآء الله كلمتي سليم !! يا امي علاش بس
ع ماجدة : بوه و المفروض يعرف ويجيه 😭
جهاد : يا امي ربّي يهديك / هوا برا البلاد كلمتيه توا وشغلتيه اكيد ركبه الرعب ويفكر شن تبيه يدير جناوح و يجي توا
ع ماجدة : شن تبيني ندير 😭
جهاد : استغفر الله 😪  / خودي اشربي أمياه
ع ماجد " تشرب و تشرق و الدموع مخلطات عليها "
جهاد : فلك وين ؟؟
ع ماجدة : مشت ل الحمام / اهيا جت