نقطـة تحـول 🌹
الحلقـة │ 35 │🍃
لايك قبـل مـا تقـرو 🙈
.
.
.
بسنت : باه خودي ارفعي هادو هي
خدت بيلسان صونية من بسنت و طلعت بيها ل الجنان // خدت بسنت اخر حاجات و كيف بتطلع يرِن فون سليم ،، وكان هوا برا
ولت ل الفون ولقت المكالمة من رقم غريب !
خلاته ولفت طلعت باللي ف يداها للجنان ، حطتهم علي الطاولة و رفعت راسها جيهة المسبح لقت سليم مقعمز و الابتوب مفتوح قدامه و كانت من ليلة امس مش مكلماته
بيلسان : نكلم عمو سليم يجي
بسنت " شافتلها " : كيف ماتبي
ناضت بيلسان مشتله و بسنت كرت الكرسي وقعمزت و جو هما الاتنين جو مع بعض / قعمزت بيلسان و سليم جبد كرسي وقعمز
بسنت " وهيا تدير ف ستدوتش ل بيلسان " : نقالك كان يرِنْ
سليم : تكلمي فيا ؟!
بسنت : اها
سليم : وينه باه ؟
بسنت : داخل ع الطاولة
سليم : من اللي رَن ؟
بسنت : شن عرفتي انا
سليم : يعني تعرفي مكانه و انه رن وما تعرفيش مني اللي اتصل ؟
بسنت : اها مَ نعرفش
سليم : هادي اكيدة نسرين
بسنت " رفعت حواجبها وشافتله "
ضحك سليم وناض خش للحوش
بسنت : خوديه
بيلسان : لكن ما فيه شيء السندوتش ! 😶
بسنت : نسييت / استغفر الله 😣
بيلسان : نديره بروحي باه
بسنت : توا نديره انا
طلع سليم و حط النقال ف جيبه و ولى قعمز ع الطاولة // شدت بسنت الشوكة و قعدت تاكل ف شرائح فواكهه وساكتة
بيلسان : انا كملت ، بنخش نلعب
بسنت " شافتلها " : تمام
ناضت بيلسان و خشت للحوش // اما بسنت الشوكة ف يدها وتاكل ولا كان سليم قدامها بكل
سليم : بالشوية !
بسنت " شافتله "
سليم : مش هاربة الماكلة ! 😂
بسنت : 😒 " وحطت الشوكة و وخرت وناضت قعدت تتمشى ف الجنان "
.
.
.
بسنت : انا مش مجبورة اني نقعد / علاش قاعدة ومخلياته يتسهوك عليا في كُل موقف 😭
كانت تلف في الجنان و جنب المسبح ، وقت شافاته يحول في طوبو المياه في جيهة والطوبو موصول بالشيشمة خطرتلها الفكرة اللي جت فِ بالي وبالكم توا 🙆
مشت ل الشيشمة وبدون تفكير فتحتها علي وسعها // و المياه تنفتح علي وجهه و سوريتهه
بسنت >> ههههههههه
سليم >> تتي 😳 " وشاف يساره لقاها واقفة جنب الشيشمة وتضحك "
سليم : شن درتي انتي !!!
بسنت : سوري بدون قصد 😂😌
سليم " خدي الطوبو و وجهه علاها "
بسنت : تتي لاا
سليم : بدون ما نقصد جي عليك تعرفي
بسنت : البلوزة كانت جديدة
سليم : توا بدت تلمع اكتر 😂
بسنت : يييييييي بططل 😣
وبدت تجري وسليم وراها بالطوبو ودارو لفة ع الجنان لين وصلت جنب المسبح
بسنت : خلاص بعععد
سليم : باش تعرفي تلعبي معاي مرة تانية
بسنت : تي خلااص قتلك سووري
سليم : مَ تمشيش معاي انا الsorry متعك هادي 😂
بسنت : باه حول الطوبو وخلينا نتفاهمو
سليم " ضحك و لوح الطوبو علي جنب وكيف لف وبيمشي تنزل عليه مياه من حيت لا يدري "
