نقطـة تحول 🌹
الحلقـة │ 28 │🍃
لآيك قبل ما تقـرو 💛
.
.
.
.
.
ع ماجدة : وتّي روحك
فلك : علاش !؟
ع ماجدة : بوك يبينآ نغيرو جو و نمشو كُلنا للمزرعة
فلك : امتى ؟
ع ماجدة : غدوا اكيد / شن بنمشو الليلة :/
فلك : احني بِسْ و لا حتى سليم و بسنت معانا ؟
ع ماجدة : حتى هما / خليت بوك بيكلمه // وتّي ليك كم لبسة ماخليناش المرة اللي فاتت شيء غادي
فلك : تمآم كم يوم ه نقعدو ؟
ع ماجدة : مش عارفة / غدوا خميس اشبح كم نقعدو
فلك : اممم
ع ماجدة : نازلة بنحط العشي " و لفت بتنزل "
فلك : اوكِ / دقيقة ونازلة نعاونك
نزلت ع ماجدة و خشت ل المطبخ و قعدت تحط ف العشي // و فلك لحقتها ،،
تعشو كلهم مع بعضهم و قالو ل جهاد ع مشوار بكرا
.
.
.
.
.
.
.
.
كانت فِ المطبخ وقالت نغسل شوية دبش ،، وكانت تسمع فيهه ف الصالون يكلم ف حد ف النقآل ويقول باه وتمام // عند ما سكر وجي وقف عند باب المطبخ ..
سليم : عندنا مشوار غدوا
بسنت : وين !؟
سليم : اهلي ماشين ل المزرعة واحني ه نلحقوهم
بسنت : تمام
لف وطلع وشفاته ركب فوق // كانو طول الفترة اللي فاتت ومن اليوم اللي انفجرت فيه و زادت اكدت ع الشهر اللي مزال بس و يطلقو ، ما يتكلموش إلا نادراََ و ع الوجبات بس او إذا كانت فيه حاجة مهمة ، حتى من مناوشاتهم قَلتْ ،، كان هوا اغلب الوقت ف الشركة و هيا تقعد ف الحوش و مالة // أحيانا تجيهم بيلسان ومهما شدت فيها بسنت ، يصيكر ع مصطفى انها تروح معاه ل الڤيلآ و غلط تقعد معاهم لانها بدت من مسؤليته هوا ...
بعد ما تمت غسيل الدبش نشرتهم و وين خشت ل الحوش لقاته مقعمز ويتفرج و حاط ع الأخبار / ماكلمتاش و ركبت للدار ولقاته حاط ساكو صغير وشكله حاط فيه كم لبسة ليه ل بكرا
طلّعِت حتى هيا ساكو و حطت فيه كم لبسة ليها و سكراته ، قعمزت بعدها وحسّت روحها مغموومة و مضايقة و مخنوقة 😔 ،، عمرها ما توقعت حياةة ل روحها زي هادي // انفجرو دموعها و قعدت تبكي . . .
خش ل الدار فجآءة و لقاها تبكي ! راح من باله ونسي ع حاطر شني كان جاي . . .
سليم : خيرك تبكي !؟
بسنت : ماخيرنيش " وتمسح ف دموعها و ترجع تبكي و مش قادرة تحكم فيهم "
سليم " قدم و وقف جنبها " : علاش تبكي باه !؟
بسنت : معاش تسألني علاش تبكي 😭
سليم " ضحك و قعمز قدامها " : باه علاش الدموع هادو كلهم / صايرة معاك حاجة ؟
بسنت " شافتله و نزلت عيونها " : مضايقة بسْ
سليم : ومن شني مضايقة ؟! طلعي اللي ف قلبك اعتبريني دكتور 😎
بسنت " تشوفله و تحكي ب عيونها >> لو تعرف أنك السبب " :: مافيه شيء
سليم : الدموع هادي كلها و مافيه شيء !
بسنت : حاسةة روحي بتطلع 😭
سليم : لاه لاه لاه ! ل الدرجة هادي
بسنت : تتبرد
سليم " ضحك " : معاش تبكي مافيش حاسة تستاهل ياطفولية
بسنت : أنت بتقولي معاش تبكي أنا بنزيد نبكي اكتر 😭
سليم : شكلك ابداع و أنتِ هكي 😂
بسنت : يعني نزيد نبكي باش تقعد مبسوط !
سليم " قدم راسه ناحيتها " : تبي تغيري جوك ؟
بسنت : ك كيف 😳
سليم " ناض و قف " : اقعدي اهني ما تتحركيش
بسنت : باه وكان خشمي قعد يحك فيا
سليم : 😂😂
