نقطــة تحول 🌹
الحلقــة │ 16 │ 🍃
لآيـﮒ قبل ما تقـرو 🙈
.
.
.
.
.
طلعت فلك من المطبخ وركبت // و بسنت ردت شوية حاجات من اللي مخليتهم فلك برا ف الثلاجة ،، وهيا طالعة تخبط ف فلــك
بسنت : بِسمْ الله ، خيرك وليتي ؟!
فلك : نسيت فُوني اهوا علي الرخامة
" وخداته فلك / وركبت هيآ و بسنتْ مع بعض ،، مشت فلك ل دارها وبسنت خشت لدارها حتي هيا " ..
.
.
.
.
قعمزت بسنتْ علي سريرها وشدت مخدتها ، وقعدت تشوف ِف بيلسان كيف تلعب بالفُون وإبتسمت تلقائيا ❤ ..
" وف عقلها تقول >> وخيتي هادي حبيبتي ، مانقدرش نسيبها ولانخليها 😔 // كيف بندير لو عمي دار اللي ف راسه والعرس صح بعد إسبوعين !! كيف ندير وقتها ؟! بيلسان كيف هَ يصير فيها ؟ ندير كل شيء أني غير وخيتي ما يصيرلها شيء ومتتأتر ب شيء وتقعد جنبي💔 // يآربْ ما تفرقنا على بعض هيا الوحيدة اللي قعدت من عيلتي ما نقدرش نعيش بلاها ،، لو تزوجت اني كيف ه يصير فيها وخيتي الصغيرة هادي يارب خلاها جنبي 💔 "
بعدها فاقت بسنت من سرحانها على صوت الفُون يشرين ،، وكآنت روان ، ردت علاها وقعدت تحكي معاها وقالتلها علي موضوع العرس / وروان ما عرفتش تفرح علي خاطر عرس صاحبتها ❤ ،، أو تزعل لانه صاحبتها مش مرتاحة ولا فرحانة
// وقعدو يحكو مع بعض ..
.
.
.
.
.
.
.
.
سهى : تحكي جد ؟؟! 😳
فلك : أها اماله بنكدب عليك 😂
سهى : غير فلك بلا جو / حق العرس بعد اسبوعين ب جديات ؟
فلك : تي اها يا سهى نحكي من جد جدي خيرك ؟
سهى : نحسابك تبصري ! كيف عرس بعد سبوعين هذا وهما كيف خطبو !؟؟ :/
فلك : مش عارفة هادي قرارات البابا -.-
سهى : تعرفي مع أنه موضوع يحير ، بس الحق عندي نيةة ف عرس هكي وبدات ف العيلةة 😂💖
فلك : نفسك حتي أني 😂 // ليا فترة ع العراس وخاطري نجرب شعور أخت العريس 💖💁
سهى : هههههههههـ بري غيري صورتك ف حساباتك ف التطبيقات وديري صورة مكتوب علاها أخت العريس 😂
فلك : توا نجربها بعد فترة قاعد الخبر جديد 😂
سهى : هههههههـ وأني ندير صورة بنت خالت العريس 😌
فلك : أنسجمتي هلبا شكلك 😂
سهى : أها بكل 😂 / بس مش مصدقة ل عند توا انه سليم ه يتزوج
فلك : وعلاش
سهى : ما يطلعش عليه سنقـل احسن 💔😂
فلك : يا سنقل انتي ههههههـ / عاد باش تحكي براحتكك
سهى : 😂
كيف جو بيسو ؟
فلك : مش عارفة بس مش علي بعضها واكيد الخبر ه يصدمها هوا احني نصدمنا !! جي بابا ف نفس الشهر وف مدة قصيرة وقال ب تتزوجو وطلع حاكي مع عمي الله يرحمهه و صدمهم الزوز و الخميس اللي فات خطبو و عرسهم بعد سبوعين / ما نتخيلش شعورها 😔
سهى : صح بس حتي سليم كويس / خطرها حقا شن صار ف البنت هاديكا ؟!
فلك : أي بنت ؟! ااه اللي ع اساس ه يكلم بابا عليها
سهى : اها معاش تكلم علاها ولا كيف
فلك : لالا الحق اشبح شن صار سليم ما يحكيش بكلل / وعارفة أنتي إني عرفت بالصدفة بس هههه
سهى : وبسنتْ تعرف ؟!
فلك : تي اها يوم قالنا بابا سليم خبرنا كل شيء // وهذا اللي مخلاها منزعجةة و خايفة زيادة هيا
سهى : ياروحِي علاها أكيد مصدومة
فلك : توا نكملو هدرزة بعدين / قالتلك خالتي ه تجو العشية ؟!
سهى : لالا توا نمشي نسألها ونزيد نتأكد هي // شوشو جايةة ؟!
فلك : ما نعرفش بس ممكن لانه خشيت علي ماما تكلم ف خالتي و قالتلها قولي ل أحمد يجيبك / توا نبعتلها رسالةة
سهى : أووك هي بآي
فلك : سلامات
" وسكرو " ..
