نقطـة تحول 🌹
الحلقـة │ 27 │🍃
لآيـﮓ قبل مـا تقـرو 💜
.
.
.
.
.
فلك و بسنت : ههههههههههههههه
شروق : فظيعة وحق ربّي 😂
سهى : بيسو فونك يشرين
مشت بسنت ل فونها ولقت المكالمة من سَوسن ..
بسنت : آلو سوسن !
سوسن : بيسو احني جينا
بسنت : وين جيتو !؟
سوسن : حوش عمك / أنتي اهني ولا ؟!
بسنت : اها اي دقيقة و جايتكم هي
" وسكرتْ " ..
طلعت بسنت من المطبخ ل صالة الفيلا و منها ل الباب متع الفيلا و لقت خ حواء و نعيمة وسوسن كيف خاشات // سلمت عليهم و خشو وين ما كانو مقعمزين باقي النساوين و البنات والزحمة ..
سلمو علي ع ماجدة و تحمدو علي سلامة ع مصطفى و قعمزو يهدرزو بحدا باقي النساوين // و بسنت ما خلتش سوسن تقعمز جنب بنات ما تعرفهمش وتحرجها ، فَ قالتلها تجي معاها ل المطبخ ..
ناضت سوسن بعد اصرار من بَسنتْ / و مشو ل المطبخ ،، سلمت سوسن علي فلك و شروق وسهى و قعدت تهدرز عليهم ..
فلك وبسنت واقفين ف جيهةة // و سوسن و سهى وشروق ف جيهةة ..
فلك : خلاص هما هادو / كنت نحسابها مش هَ تسد
بسنت : هههه لا كويسة
فلك " تساوي ف الفناجين " : خلاص توا نكلم جهاد يجي ياخدها
شروق : ههههههه قوية 😂
سهى " شادة الفون " : شوفي هادي ..
سوسن : ههههههه
فلك : كلمته اهو جاي
بسنت : بطلعاها ؟
فلك : اها / افتحيلي الباب هذا " تحكي ع باب المطبخ اللي يطلع ع برا "
بسنت : مش رزينة عليك !؟
فلك : لالا نقدرها
بسنت : ردي بالك تطيح 😂
فتحت بسنت الباب // و فلك طالعة بالصفرة بالشوية ..
جهاد : هذا شنْ كُله !
فلك : قعدنا نعدو / مش سادة ؟!
جهاد : سادة وزيادة 😂
فلك : باه عديناكم انتَ و سليم و بابا و رجالت خالاتي و حسن واحمد و ..
جهاد " قاطعها " : حسن واحمد طلعو / خلاص هاتاها
فلك : باه نحول منهم
جهاد : خل يقعدو // وين طاسة المياه ؟
فلك : نسيتها / دقيقة بس
لفت فلك وخشت ،، و جهاد قعد واقف جنب الحيط و شاد القهوة // و هوا واقف يسمع ف البنآت يتكلمو و صوتهم كان واضح ..
سهى : عندك فيس سومآ ؟!
سوسن : اها عندي
سهى : عطيني اسمك عشان نضيفك
سوسن : اوكِ / هاتي نكتبهولك طويل و حروفه منقرشة 😂 " مدتهولها سهى وقعدت تكتب فيهه "
شروق : شن هوا ؟!
سهى " بصوت عالي " :: Säwsãn sõMá .....
وطبعآ كانو فيه ناس و راء الكواليس تسمع وتأكدت من شكوكهآ 😂🙈 / ..
فلك : خود ها / معليشي عطلت
جهاد : ولا يهمكْ 😂
فلك : رايق شكلك
جهاد : امشي خشي
ولف جهاد و مشي بإتجاه الصالة الخارجية // وفلك لفت حتى هيا و خشت ل المطبخ ..
بعد ما كملو البنات حوستهم طلعو من المطبخ و مشو ل الصالون جنب باقي البنات و النساوين يهدرزو // فات الوقت ف التهدريز و الدوشة ،، و نفردو بنات العيلهه و الجيران يهدرزو ع الشباب وهكِ ..
